ខេត្តកំពត : ជនសង្ស័យម្នាក់ត្រូវបានកំលាំងកងរាជអាវុធហត្ថខេត្តកំពតសហការនិងកម្លាំងមូលដ្ឋានកងរាជអាវុធហត្ថទឹកឈូនិងមូលដ្ឋានកងរាជអាវុធហត្ថក្រុងកំពតធ្វើការឃាត់ខ្លួនពាក់ព័ន្ធទៅនឹងករណីជួញដូរគ្រឿងញៀន។

ហេតុការណ៍នេះបានកើតឡើងកាលពីវេលាម៉ោង១០ និង៤៥នាទី ថ្ងៃទី៥ ខែកុម្ភៈ ឆ្នាំ២០២២ ស្ថិតនៅចំនុចភូមិអូរតូច សង្កាត់អណ្តូងខ្មែរ ក្រុងកំពត ខេត្តកំពត។

សមត្ថកិច្ចបានឲ្យដឹងថាជនសង្ស័យដែលឃាត់ខ្លួនខាងលើឈ្មោះ ដុំ គីមស៊្រុន ភេទប្រុស អាយុ២៥ឆ្នាំ មុខរបរមិនពិតប្រាកដរស់នៅភូមិ ស្នំប្រាំពីរ ឃុំម៉ាក់ប្រាំង្គស្រុកទឹកឈូខេត្តកំពត ព្រមទាំងដកហូតវត្ថុតាងរួមមាន

១ –  គ្រឿងញៀនចំនួន ២២កញ្ចប់(១កញ្ចប់ធំនិង២១កញ្ចប់តូច)ទំងន់១០៤.៨៥ក្រាមថ្លឹងទាំងសំបកថង់

២.ម៉ូតូចំនួន១គ្រឿងម៉ាកសេ១២៥ស៊េរី២០២២ពណ៍ខ្មៅគ្មានស្លាកលេខ

៣.ទូរស័ព្ទចំនួន៣គ្រឿង

៤.ជញ្ជីងថ្លឹងគ្រឿងញៀនចំនួន២គ្រឿង

៥.ថង់ច្រកគ្រឿងញៀន១សម្រាប់ធំ

បច្ចុប្បន្នជនសង្ស័យនឹងវត្ថុតាងការិយាល័យជំនាញ បានកសាងសំណុំរឿងដើម្បីបញ្ជូនទៅតុលាការចាត់វិធានការតាមនីតិវិធី៕ដោយ ស សម