ដោយរងការវាយប្រហារអត់ឈប់ឈរពីក្រុមភេរវកម្មបូកូហារ៉ាមធ្វើឲ្យពលរដ្ឋនីហ្សេរីយ៉ារស់នៅភ័យខ្លាច។ កម្លាំងទាហាននីហ្សេរីយ៉ាពិបាកក្នុងការយកឈ្នះទៅលើក្រុមបូកូហារ៉ាមទាំងស្រុងទើបប្រធានាធិបតីប្រទេសនេះស្នើរដល់សហគមន៍អន្តរជាតិជួយអន្តរគមន៍ ពិសេសគឺអាមេរិក។
ប្រធានាធិបតី នីហ្សេរីយ៉ា លោក ម៉ាម៉ាឌ៊ូ ប៊ូហារី បានជួបពិភាក្សាលើប្រធានបទសំខាន់ៗមួយចំនួន ពិសេសលើកិច្ចសហប្រតិបត្តិការប្រយុទ្ធប្រឆាំងនឹងពួកជ្រុលនិយម បូកូហារ៉ាម ជាមួយប្រធានាធិបតីអាមេរិកនៅឯសេតវិមាននាពេលកន្លងមកដោយសារលោកបានស្នើរឲ្យអាមេរិកជួយអន្តរគមន៍។
ទំនាក់ទំនងរវាងសហរដ្ឋអាមេរិកនិងប្រទេសនីហ្សេរីយ៉ាជារឿងសំខាន់បំផុតសម្រាប់ប្រទេសអាហ្វ្រិកមួយនោះដែលមានប្រជាជនប្រមាណជាជាង១៧០លាននាក់ ត្រូវការអភិវឌ្ឍន៍សេដ្ឋកិច្ចជាចាំបាច់ និង ដើម្បីស្វែងរកជំនួយបន្ថែមនៅក្នុងការប្រយុទ្ធប្រឆាំងនឹងក្រុមអ៊ីស្លាមនិយមជ្រុល បូកូហារ៉ាម។ ក្រុម បូកូហារ៉ាមដែលបានសម្លាប់មនុស្សជាង១៣០០០ពាន់នាក់នៅទូទាំងភាគខាងជើងនីហ្សេរីយ៉ាក្នុងការប្រទូសរ៉ាយអស់រយៈពេលជាង៦ឆ្នាំ និងមនុស្សប្រមាណជាង១លាន៥សែននាក់ ត្រូវបានបង្ខំឱ្យចាកចេញពីលំនៅដ្ឋានរបស់ពួកគេ៕
