ក្រុម Barcelona នឹងត្រូវប្រកួតជាមួយក្រុម Napoli នៅរាត្រីថ្ងៃព្រហស្បតិ៍នេះសម្រាប់ការប្រកួតវគ្គជម្រុះ១៦ក្រុមចុងក្រោយពានរង្វាន់ UEFA Europa League នៅកីឡដ្ឋាន Camp Nou បន្ទាប់ពីធ្លាក់ចេញពីវគ្គចែកពូល UEFA Champions League ។
ការប្រកួតវគ្គចែកពូល Champions League ចុងក្រោយរបស់ Barcelona បានចាញ់ក្រុម Bayern München ក្នុងលទ្ធផល ៣-០។ រីឯ Napoli ឈ្នះការប្រកួតវគ្គចែកពូលចុងក្រោយរបស់ពួកគេ ដោយយកឈ្នះ Leicester City ៣-២ នៅក្នុងទឹកដី។ ពេលនោះ Napoli បានឈរនៅលេខ២ក្នុងពូល ខណៈដែល Barcelona បានបញ្ចប់ក្នុងចំណាត់ថ្នាក់លេខ៣ នៃក្របខ័ណ្ឌ Champions League ធ្វើឲ្យក្រុមទាំង២ធ្លាក់មកលេងនៅ Europa League រដូវកាលនេះ។ការប្រកួតមុនរវាងក្រុមទាំង២បានធ្វើឱ្យ Barcelona ទទួលបានជ័យជម្នះ៣-១ ក្នុងការប្រកួត Champions League ជុំទី១៦នៅកីឡដ្ឋាន Camp Nou កាលពីខែសីហា ឆ្នាំ២០២០។ កាលណោះកីឡាករ Clément Lenglet បានរកគ្រាប់បាល់បញ្ចូលទីឱ្យក្រុមអេស្ប៉ាញនៅនាទីទី១០, Lionel Messi និង Luis Suárez រកបានម្នាក់១គ្រាប់ដែរ ខណៈដែលកីឡាករ Lorenzo Insigne រកបាន១គ្រាប់ឲ្យ Napoli នៅនាទីទី៥០។Pique និង Ansu Fati បានស៊ុតបញ្ចូលទីនាំមុខសម្រាប់ក្រុម Barcelona ក្នុងការប្រកួតនៅអឺរ៉ុបនៅរដូវកាលនេះ បន្ទាប់ពីរកបានម្នាក់១គ្រាប់ក្នុងវគ្គចែកពូល Champions League។ ចំណែកីឡាករសំខាន់របស់ Napoli គឺ Elmas និង Victor Osimhen ដែលស៊ុតបញ្ចូលទីក្នុងយុទ្ធនាការ Europa League រដូវកាលនេះ ដែលក្រុមជាប់ចំណាត់ថ្នាក់លេខ៤ក្នុងតារាងពិន្ទុនៃការប្រកួតប្រជែងក្នុងឆ្នាំ២០២១-២០២២។ក្រុមភ្ញៀវបានស៊ុតបាល់បញ្ចូលទីក្នុងការប្រកួត Europa League ចំនួន៦ដងក្នុងរដូវកាលនេះ។ ការប្រកួតជម្រុះតាមពូលក្នុងក្របខ័ណ្ឌ Champions League ចំនួន៣ប្រកួតក្នុងទឹកដីក្នុងរដូវកាលនេះ Barcelona ឈ្នះ១ ស្មើ១ និងចាញ់១។ ចំណែក Napoli សម្រាប់ការប្រកួតចំនួន៣ដងក្នុងការប្រកួតនៅរដូវកាលនេះ ដោយទទួលបាន៤ពិន្ទុពីចំនួន៩ប្រកួត ។សម្រាប់៥ប្រកួតចុងក្រោយរបស់ Barcelona គឺឈ្នះ២ ស្មើ១ និងចាញ់២ ប្រកួតចុងក្រោយក្រុមនេះបានស្មើក្នុងទឹកដីក្រុម Espanyol ក្នុងលទ្ធផល២ទល់២ នៃក្របខ័ណ្ឌ La Liga។ បច្ចុប្បន្ន Barcelona កំពុងឈរលេខ៤នៅលីកកំពូលអេស្ប៉ាញ មាន៣៩ពិន្ទុក្នុង២៣ប្រកួត។
ចំណែកក្រុមភ្ញៀវ Napoli ៥ប្រកួតចុងក្រោយឈ្នះ៣ ស្មើ១ និងចាញ់១ ប្រកួតចុងក្រោយស្មើជាមួយក្រុមភ្ញៀវ Inter Milan ក្នុងក្របខ័ណ្ឌ SerieA ។ បច្ចុប្បន្នក្រុមនេះកំពុងឈរលេខ៣នៅលីកកំពូលអ៊ីតាលីមាន៥៣ពិន្ទុ ក្នុង២៥ប្រកួត។ ក្រុម Barcelona និងក្រុម Napoli នឹងធ្វើការប្រកួតនៅវេលាម៉ោង១២និង៤៥នាទីរំលងអធ្រាត្រឈានចូលថ្ងៃទី១៨ ខែកុម្ភៈនេះក្នុងទឹកដីប្រទេសអេស្ប៉ាញសម្រាប់ជើងទី១ ៕ (រូបភាព ៖ soccerway.com)
