ខេត្តស្ទឹងត្រែង: នៅព្រឹកថ្ងៃទី៤ ខែមីនា នេះ សមត្ថកិច្ចនគរបាលប្រឆាំង បទល្មើសសេដ្ឋកិច្ច នៃស្នងការដ្ឋាននគរបាលខេត្តស្ទឹងត្រែង ត្រួតពិនិត្យឆែកឆេរកឃើញឈើ ល្មើសច្បាប់ជិត២០ម៉ែត្រគូបឯណោះ ក្រោយពីការបង្ក្រាបក៏បាននាំយកមករក្សាទុករយះពេល២ថ្ងៃ ២យប់នៅស្នងការដ្ឋាននគបាលខេត្ត ទើបប្រគល់ទៅឲ្យជំនាញរដ្ឋបាលព្រៃឈើខេត្ត យកមករក្សាទុកចាត់បន្ត ចំណែករថយន្តដែលបម្រើឲ្យបទល្មើស ត្រូវបានរក្សាទុកនៅស្នងការដ្ឋាននគបាលខេត្តដដែល។
បញ្ចាក់រថយន្តប្រភេទ(V1)មួយគ្រឿង បានដឹកបាវគ្រាប់ចន្ទី ដំឡូងមី លួចបង្កប់ឈើល្មើសច្បាប់ពីក្រោម បែកធ្លាយក៏ត្រូវកម្លាំងនគរបាលប្រឆាំងបទល្មើសសេដ្ឋកិច្ចខេត្ត ធ្វើការស្ទាក់ឃាត់បង្ក្រាបបាន នៅលើកំណាត់ផ្លូវជាតិលេខ៧ ក្រចេះ-ស្ទឹងត្រែង ត្រង់ចំណុចលោកដៅចរាចរណ៍ផ្លូវគោកអូរច្រឡង់ ជាប់ព្រំប្រទល់ ក្រចេះ-ស្ទឹងត្រែង ស្ថិតក្នុងភូមិ-ឃុំ អូរឫស្សីកណ្ដាល ស្រុកសៀមបូក ខេត្តស្ទឹងត្រែង កាលពីថ្ងៃទី២ ខែមីនា ឆ្នាំ២០២២ ។
មន្ត្រីជំនាញរដ្ឋបាលព្រៃឈើ បានបញ្ជាក់ថាៈ សមត្ថកិច្ចនគរបាលប្រឆាំងបទល្មើសសេដ្ឋកិច្ចខេត្ត បានប្រគល់តែឈើទេសរុបជិត២០ម៉ែត្រគូប ឲ្យទៅខណ្ឌរដ្ឋបាលព្រៃស្ទឹងត្រែងរក្សាទុក។ បច្ចុប្បន្នខណ្ឌរដ្ឋបាលពព្រៃឈើកំពង់ដឹកជញ្ចូន និងចងក្រងសំណុំរឿង ចាត់ការបន្តតាមនីតិវិធីច្បាប់ស្តីពីព្រៃឈើ។ ចំណែករថយន្តដឹកបទល្មើស ខាងលើ មានស្លាកលេខក្បាលរ៉ឺម៉កម៉ាកFUSO ពណ៌សរ ចង្គូតស្តាំ PP.0835 និងកន្ទុយរ៉ឺម៉កពណ៍សរ លាយខៀវ ពាក់ស្លាកលេខព្រៃវែង.4A.0033 ត្រូវបានរក្សាទុកនៅស្នងការដ្ឋាន នគរបាលខេត្តស្ទឹងត្រែងដដែល៕
ពាក់ព័ន្ធការបង្ក្រាបរថយន្ត(V1)ខាងលើ ប្រជាពលរដ្ឋនិងមហាជនជាច្រើន កំពង់រិះគន់ដល់ស្ថានីយ៍ថ្លឹងរថយន្តអូរពងមាន់ថា: ស្របពេលហាងឆេងដំឡូងមីឡើងថ្លៃ ស្ថានីយថ្លឹងរថយន្តក៏ត្រូវបាន់ដែរ។ ព្រោះមន្ត្រីប្រចាំការនៅស្ថានីយថ្លឹងរថយន្ត នៅចំណុចអូរពងមាន់នេះ ពុំសូវបានពិនិត្យមើលគីឡូលេខជញ្ចីងរត់ឡើយ។ អង្គុយមើលនិងឈរចាំទទួលលុយពីព្រូរថយន្ត ដឹកទំនិញនិងដំឡូងមី ចុះរត់យកលុយមកហុចឲ្យ រួចឲ្យរថយន្តទាំងនោះឡើងជញ្ចីងហើយទៅរហូត។ គេពុំសូវឃើញមានរថយន្តដឹកលើសទម្ងន់ឡើយ ទោះបីឈ្មួញទាំងនោះ ដឹកដំឡូងមី និងគ្រាប់ស្វាយចន្ទី លួចបង្កប់ឈើយ៉ាងក៏ដោយ ដូចករណីសមត្ថកិច្ចនគបាលប្រឆាំងបទល្មើសសេដ្ឋកិច្ច បង្ក្រាបនិងរកឃើញបង្កប់ឈើពីក្រោម រហូតដល់១៩ម៉ែត្រគូបជាងឯណោះ ដឹកកំពង់លើទ្រង់យ៉ាងណាក៏ដោយ ជញ្ចីងនៅតែថាគ្រប់មិនត្រូវឃាត់ឬពិន័យឡើយ។ ដោយ:មាស សុផាត
