ភ្នំពេញ ៖ មានករណីអគ្គិភ័យមួយបានឆាបឆេះគំនរសំណល់ចាស់ៗដែលគេទុកចោលយ៉ាងសន្ធោសន្ធៅ បង្កការភ្ញាក់ផ្អេីលដល់ប្រជាលរដ្ឋនិងអាជ្ញាធរមូលដ្ឋានយកបំពង់ពន្លត់អគ្គិភ័យ និងទាញទុយយោទឹកតូចៗបាញ់ពន្លត់ទាន់ពេលវេលា ។ ហេតុការណ៍នេះបានកេីតឡេីងកាលពីវេលាម៉ោង៣និង១០នាទីរសៀល ថ្ងៃទី៤ ខែមីនា ឆ្នាំ២០២២ នៅជាប់ផ្លូវបេតុងក្នុងភូមិឫស្សី២ សង្កាត់ស្ទឹងមានជ័យទី៣ ខណ្ឌមានជ័យ រាជធានីភ្នំពេញ ។
តាមប្រភពព័ត៌មានពីប្រជាពលរដ្ឋដែលនៅក្បែរកន្លែងកេីតហេតុបានឱ្យដឹងថា នៅទីតាំងខាងលេីគឺជាដីឡូត៍ដែលគេទុកចោលជាយូរមកហេីយ និងមានសម្ភារចាស់ៗជាច្រេីននៅទីនោះផងដែរ។ នៅពេលកេីតហេតុគេឮសំឡេងផ្ទុះដូចជាផ្ទុះកំប៉ុងហ្គាស ហេីយក៏ឃេីញមានផ្សែងខ្មៅហុយចេញមកបន្តិចម្ដងៗ រហូតកេីតជា
អណ្ដាតភ្លេីងយ៉ាងសន្ធោសន្ធៅ ទេីបបងប្អូនប្រជាពលរដ្ឋនិងអាជ្ញាធរមូលដ្ឋាននាំគ្នាជួយទាញទុយយោទឹកតូចៗតាមផ្ទះ និងបំពង់ពន្លត់អគ្គិភ័យមកបាញ់ពន្លត់យ៉ាងញាប់ដៃញាប់ជេីងរហូតដល់ភ្លើងរលត់ទៅវិញជាស្ថាពរ ។
ក្នុងករណីអគ្គិភ័យខាងលេីនេះគឺបានឆេះរោលជញ្ជាំងផ្ទះប្រជាពលរដ្ឋខូចខាតបន្តិចបន្តួចផងដែរ ប៉ុន្តែមិនធ្វេីឱ្យមនុស្សណាម្នាក់រងរបួសនោះទេ ហើយក៏មិនបានប្រេីប្រាស់រថយន្តពន្លត់អគ្គិភ័យនោះដែរ ៕ ដោយ ៖ ភារ៉ា ដង្កោ
IMG_1738 
