ខេត្ដបាត់ដំបង ៖ ថៅកែរោងម៉ាស៊ីន កិនស្រូវ២កន្លែងដែលមានយីហោ ឡៅ ហ្វាត និងយីហោ ឡី ឈិញស្ថិតនៅភូមិ រាមសេនា និងភូមិដង្កោ ឃុំល្វា ស្រុក បវេល ខេត្ដបាត់ដំបងរងការចោទប្រកាន់ ពីប្រជាពលរដ្ឋនិងអាជ្ញាធរថា បានចាក់ ដីលប់ស្ទឹងល្វារំលោភយកធ្វើជាកម្មសិទ្ធិខុសច្បាប់ ។ មិនតែប៉ុណ្ណោះថៅកែរោង ម៉ាស៊ីនទាំងនោះក៏បានបង្ហូរទឹកសំអុយ និងបង្ហុយអង្កាមចូលស្ទឹងដែលជាហេតុបបង្កឱ្យប៉ះពាល់បរិស្ថានធ្ងន់ហើយប៉ះពាល់សុខភាពប្រជាជនដែលតែងតែយកទឹក ទៅប្រើប្រាស់ប្រចាំថ្ងៃផង ។
សកម្មភាពចាក់ដីរំលោភយកស្ទឹងខុសច្បាប់ និងបង្កផលប៉ះពាល់បរិស្ថាន ទឹកស្ទឹងធ្វើឱ្យប្រជាពលរដ្ឋក្ដៅក្រហាយ ត្រូវបានប្រជាពលរដ្ឋលើកឡើងថា ថៅ កែរោងម៉ាស៊ីនស្រូវទាំង២នោះគេមាន ទ្រព្យធនច្រើន ដូច្នេះគេអាចធ្វើអ្វីបាន តាមចិត្ដមិនខ្លាចញញើតច្បាប់ ។ សកម្ម ភាពនោះមិនឃើញសមត្ថកិច្ចនិងមន្ទីរ ជំនាញពាក់ព័ន្ធចុះទប់ស្កាត់នោះឡើយ ។
ជុំវិញបញ្ហានេះលោក មេឃុំ ល្វា ប្រាប់ឱ្យដឹងកាលពីល្ងាចថ្ងៃទី២២ ខែ កក្កដាថារោងម៉ាស៊ីនទាំង២ខាងលើ ខាងអាជ្ញាធរឃុំបានចុះទៅអប់រំណែនាំ និងឱ្យម្ចាស់ធ្វើកិច្ចសន្យាបញ្ឈប់នូវ សកម្មភាពខុសច្បាប់ទាំងនោះម្ដងរួច មកហើយ ។ នៅពេលនោះថៅកែរោង ម៉ាស៊ីនស្រូវដែលមានយីហោ ឡៅ ហ្វាត បានអនុវត្ដតាម ។ ចំណែកម្ចាស់រោង ម៉ាស៊ីនស្រូវយីហោ ឡី ឈិញ នៅតែបន្ដ សកម្មភាពជាដដែលមិនស្ដាប់អាជ្ញាធរឃុំនោះឡើយ ។
លោកមេឃុំបានឱ្យដឹងទៀតថា សកម្ម ភាពចាក់ដីរំលោភយកស្ទឹងបង្ហូរទឹកសំអុយចូលស្ទឹងនិងបង្អុយអង្កាមចូលស្ទឹងបែប នោះ កន្លងមកធ្វើឱ្យប្រជាពលរដ្ឋក្ដៅ ក្រហាយខ្លាំងណាស់បាននាំគ្នាមកប្ដឹង អាជ្ញាឃុំឱ្យជួយដោះស្រាយហើយលោកបានរាយការណ៍ទៅលោកអភិបាលស្រុកដើម្បីឱ្យមានវិធានការនោះហើយគឺនៅ ថ្ងៃទី២៤ ខែកក្កដា ខាងមុខនេះ មន្ដ្រីជំនាញ បរិស្ថានខេត្ដ និងអាជ្ញាធរស្រុកគេនិង ចុះមកត្រួតពិនិត្យបញ្ហានេះ ។
លោកទឹម ណារ៉េត អភិបាលស្រុក បវេលប្រាប់ឱ្យដឹងថា លោកបានចាត់ អាជ្ញាឃុំនិងមន្ដ្រីជំនាញបរិស្ថានកោះ ហៅម្ចាស់រោងម៉ាស៊ីនទាំង២នោះមក ណែនាំនិងឱ្យធ្វើកិច្ចសន្យាបញ្ឈប់សកម្មភាព កាលពីព្រឹកថ្ងៃទី២២ នៅសាលា ឃុំនោះហើយ ។ លោកបញ្ជាក់ទៀតថា ការធ្វើសកម្មភាពចាក់ដីរំលោភយក ស្ទឹងរបស់ថៅកែរោងម៉ាស៊ីនស្រូវទាំង ២នោះដែរ គឺគេធ្វើឡើងខុសច្បាប់ ៕ វិច្ឆិកា
