ក្លិបមេឃខៀវ Manchester City មាន​កិច្ច​ព្រម​ព្រៀង​មួយ​ដើម្បី​ទិញ​យក​ខ្សែប្រយុទ្ធ Erling Haaland ពីក្លិប Borussia Dortmund នៅ​រដូវ​ក្ដៅ​នេះ។ ប្រភពនៅក្នុងប្រទេសអាល្លឺម៉ង់ដែលជិតស្និទ្ធនឹងការផ្លាស់ប្តូរនេះបានឲ្យដឹងថា ឥឡូវនេះកីឡាករវ័យ២១ឆ្នាំនឹងជ្រើសរើសការផ្លាស់ប្តូរទៅកាន់កីឡដ្ឋានទឹកដី Etihad ដែលលក្ខខណ្ឌផ្ទាល់ខ្លួនត្រូវបានពិភាក្សា ហើយក្របខ័ណ្ឌនៃការផ្ទេរគឺត្រៀមខ្លួនជាស្រេចដើម្បីចុះហត្ថលេខាដោយប្រធានក្លិប។

Haaland មានលក្ខខណ្ឌផ្ទេរក្នុងតម្លៃ៦៣លានផោនក្នុងកិច្ចសន្យា Dortmund របស់គាត់ ខណៈដែលភ្នាក់ងាររបស់កីឡាករគឺ Mino Raiolaក៏ត្រូវបានកំណត់ឱ្យទទួលបានការទូទាត់យ៉ាងច្រើនផងដែរ។ ថ្លៃសេវាទាំងនោះបូករួមទាំងប្រាក់បន្ថែមលើការចុះហត្ថលេខា ទំនងជានឹងចំណាយសរុបដល់ទៅ១០០លានផោន។ បញ្ហាហិរញ្ញវត្ថុត្រូវបានគេដឹងថាមានតម្លៃសមរម្យសម្រាប់ Man City ដែលបានធ្វើឱ្យខ្សែប្រយុទ្ធសញ្ជាតិន័រវេសមានអាទិភាពផ្ទេរនាំមុខគ្នា។ក្លិបធំៗដូចជា Barcelona និង Paris Saint-Germain កំពុងបង្ហាញការចាប់អារម្មណ៍ ប៉ុន្តែគូប្រជែងដ៏សំខាន់បំផុតរបស់ Man City គឺក្លិបReal Madrid ដែលនឹងបន្តប្រជែងដើម្បីចុះហត្ថលេខាខ្សែប្រយុទ្ធឆ្នើមខាងលើ។ នៅតែមានអារម្មណ៍កាន់តែខ្លាំងឡើងនៅទូទាំងទ្វីបអឺរ៉ុបដែលម្ចាស់ជើងឯក Premier League ស្ថិតក្នុងទីតាំងឈរជើងដើម្បីប្រជែង និងការរំពឹងទុកថា ខ្សែប្រយុទ្ធរូបនេះនឹងជួយលោក Pep Guardiola នៅរដូវកាលក្រោយ។ឪពុករបស់ Haaland គឺលោក Alfie បានចំណាយពេល៣ឆ្នាំនៅ Man City បន្ទាប់ពីចាកចេញពី Leeds United ហើយគ្រួសារនៅតែចែករំលែកភាពស្និទ្ធស្នាលជាមួយក្លិប។ លោក Guardiola បានកំណត់គោលដៅថាក្លិបត្រូវការខ្សែប្រយុទ្ធជួរមុខបន្ទាប់ពីការចាកចេញរបស់ Sergio Agueroកាលពីឆ្នាំមុន។

សូមបញ្ជាក់ថា ខ្សែប្រយុទ្ធសញ្ជាតិន័រវេសវ័យ២១ឆ្នាំ Erling Haalandដែលជិតត្រលប់មកលេងឲ្យ Dortmund វិញបន្ទាប់ពីរងរបួសសាច់ដុំក្នុងខែមករា។ គាត់រកបាន៨០គ្រាប់ពីការបង្ហាញខ្លួន៧៩ប្រកួតសម្រាប់ក្រុមនេះនៅលីកកំពូលអាល្លឺម៉ង់ Bundesliga និងរកបាន១២គ្រាប់ឲ្យជម្រើសជាតិក្នុងការបង្ហាញខ្លួន១៥ប្រកួត ៕ (រូបភាព ៖ dailymail.com)