ខេត្តពោធិ៍សាត់៖ បុរសម្នាក់ត្រូវបានបងប្អូនប្រទះឃើញចង.កធ្វើអាត្ថឃាតនិងធ្នឹមផ្ទះស្លាប់យ៉ាងអាណោចអាធម៌សង្ស័យមានជំងឺរាំរ៉ៃប្រចាំកាយ។
ហេតុការណ៏នេះបានភ្ញាក់ផ្អើលឡើងកាលពីវេលាម៉ោង១០និ៣០នាទីព្រឹកថ្ងៃទី២៦ ខែមេសា ឆ្នាំ២០១៦ ត្រង់ចំណុចជិតរង្វង់មូលនៅក្នុងផ្ទះជនរងគ្រោះស្ថិតក្នុងភូមិរ៉ា សង្កាត់ផ្ទះព្រៃ ក្រុង-ខេត្តពោធិ៍សាត់។
ប្រភពពីសមត្តកិច្ចបានឲ្យដឹងថា ជនរងគ្រោះឈ្មោះ កង មិថុនា ភេទប្រុស អាយុ២៥ឆ្នាំ រស់នៅភូមិ សង្កាត់កើតហេតុ។ សមត្ថកិច្ចបន្តក្រោយពីធ្វើការស្រាវជ្រាវជុំវិញហេតុការណ៍នេះ ត្រូវបានក្រុមគ្រួសារសាច់ញតិជនរងគ្រោះបញ្ជាក់ថា ជនរងគ្រោះមានជំងឺប្រចាំកាយរាំរ៉ៃជាយូឆ្នាំមកហើយ ហើយកន្លងមកគាត់ចេះតែត្អូញត្អែអញ្ចេះអញ្ចុះៗ មិនចង់រស់នោះទេ ស្រាប់តែនៅគ្រាដែលបងប្អូនជាប់រវល់ការងាររៀងៗខ្លួនមិនចាប់រម្មណ៍ ក៍គាត់លួចយកខ្សែភ្លើងចង.កព្យួរទៅនឹងធ្នឹមផ្ទះចាស់ខាងក្រោយត្រង់ចំណុចផ្លូវចូល ក៍ត្រូវបានបងប្រុសឈ្មោះ កង សុភាព អាយុ៣៦ឆ្នាំ ប្រទះឃើញស្រែកផ្អើលឆោឡោតែម្តង គ្រានោះបងប្អូនឃើញសពនៅក្តៅៗស្មានថានៅរស់ក៍នាំគ្នាស្រាយទំលាក់ តែជនរងគ្រោះបានដាច់ខ្យល់ស្លាប់បាត់ទៅហើយ បន្ទាប់មកក៏បានរាយការណ៍ប្រាប់សមត្តកិច្ចជាក្រោយ។
ប្រភពដដែលបន្តថា កម្លាំងសមត្តកិច្ចពិនិត្យយ៉ាងយកចិត្តទុកដាក់ឃើញថាមិនមានជាប់ពាក់ព័ន្ធនិងករណីឃាតកម្មអ្វីនោះទេ ទើបប្រគល់សាកសពឲ្យក្រុមគ្រួសារយកទៅចាត់ចែងតាមប្រពៃណី៕
ដោយ៖ ប៉ឹម ពិន
