ខេត្តប៉ៃលិន÷ប្រភពពីមន្ត្រីនគរបាលចរាចរណ៍
នៃអធិការស្រុកសាលាក្រៅបានឲ្យដឹងថា÷កាលពីវេលាម៉ោង១៣ និង ២០នាទី ថ្ងៃទី២១ ខែមីនា ឆ្នាំ២០២២ មានករណីគ្រោះថ្នាក់ចរាចរណ៍១ កើតឡើង(រវាងម៉ូតូនិងម៉ូតូ)ដោយសារបើកបរស្របទិសគ្នានៅចំនុចមុខសាលាបឋម សិក្សាហ៊ុនសែនសាលាក្រៅ ស្ថិតនៅក្នុងភូមិថ្នល់ទទឹង ឃុំអូរអណ្តូង ស្រុកសាលាក្រៅ ខេត្តប៉ៃលិន បណ្ដាលឱ្យរបួសមនុស្ស០៣នាក់ធ្ងន់ និងខូចម៉ូតូ ០២គ្រឿង។

ទី ១-ឈ្មោះ នូ សុភា ភេទស្រី អាយុ ៥០ឆ្នាំមុខរបរកសិករ (រងរបួសធ្ងន់បែកក្បាល) មានទីលំនៅភូមិថ្នល់ទទឹង ឃុំអូរអណ្តូង ស្រុកសាលាក្រៅខេត្តប៉ៃលិន បេីកបរម៉ូតូម៉ាក ហុងដាឌ្រីម ពណ៍ខ្មៅ ពាក់ស្លាកលេខ ប៉ៃលិន 1A-6451 បេីកបរពីទិសដៅពីរត្បូង ឆ្ពោះទៅជើង។
ទី២-នាក់រួមតំណើរមានម្នាក់មិនស្គាល់ឈ្មោះ អាយុប្រហែល០៦ឆ្នាំត្រូវជាចៅភេទប្រុស(របួសធ្ងន់)
ទី៣-ឈ្មោះ កាន កន ភេទប្រុស អាយុ១៦ឆ្នាំ (សិស្ស) (របួសធ្ងន់បែកក្បាល) មានទីភូមិផ្សារព្រំ ឃុំស្ទឹងកាច់ ស្រុកសាលាក្រៅ ខេត្តប៉ៃលិន បេីកបរម៉ូតូម៉ាកហុងឌ្រីម ពណ៍ខ្មៅ ពាក់ស្លាកលេខប៉ៃលិន-1C0840 (បើកបរពីរត្បូងឆ្ពោះទៅជើង ) ស្រប់ទិសគ្នា។

សមត្តកិច្ចឲ្យបន្តថា÷ករណីនេះមូលហេតុ ៖កត្តារមនុស្ស: បើកបរល្បឿនលឿនវ៉ាជេងខ្វះការប្រុងប្រយ័ត្ន។

សមត្តកិច្ចបានបន្តទៀតថា÷ក្រោយពីកើតហេតុជនរងគ្រោះទាំងបីនាក់ ត្រូវបានបញ្ជូន ទៅព្យាបាលនៅមន្ទីពេទ្យបង្អែកខេត្តប៉ៃលិន ចំណែក វត្ថុតាងត្រូវបានយកមករក្សាទុកនៅអធិការដ្ឋាន រងចាំការដោះស្រាយ៕

ដោយ៖ ស សារ៉េត