ភ្នំពេញ៖ ហេតុការណ៍ភ្ញាក់ផ្អើលមួយបានកើតឡើង បន្ទាប់ពីលោកតាធាក់សីុក្លូម្នាក់ដេកស្លាប់នៅលើសីុក្លូរបស់គាត់ ដោយសារតែគាំងបេះដូង កាលពីវេលាម៉ោង៧ព្រឹកថ្ងៃ២៧ ខែមេសា ឆ្នាំ២០១៦ នៅពីមុខផ្ទះលេខ២៥E0 ផ្លូវលេខ១៤២ ភូមិ៥ សង្កាត់ផ្សារថ្មីទី២ ខណ្ឌដូនពេញ ។

តាមប្រភពព័ត៍មានពីសមត្ថកិច្ចមូលដ្ឋានបានឲ្យដឹងថា នៅមុនពេលកើតហេតុ គឺកម្លាំងល្បាតបានជិះត្រួតពិនិត្យក្នុងមូលដ្ឋាន លុះល្បាតមកដល់ចំណុចខាងលើ ស្រាប់តែប្រទះឃើញតាម្នាក់រត់សុីក្លូ ដេកស្លាប់នៅលើសុីក្លូរបស់គាត់ រួចបង្កឲ្យមានការភ្ញាក់ផ្អើលតែម្តង ។

ក្រោយកើតហេតុសមត្ថកិច្ចធ្វើត្រួតពិនិត្យទៅលើសាកសពទើបដឹងថាជនរងគ្រោះស្លាប់ដោយសារគាំងបេះដូង ហើយសពកំពុងរងចាំបងប្អូនមកទទួលយកទៅធ្វើបុណ្យតាមប្រពៃណី៕

ដោយ៖ ស ដារ៉ា