ខេត្តព្រះសីហនុៈ ប្រជាពលរដ្ឋជាច្រើនបានសំដែងការព្រួយបារម្មណ៏យ៉ាងខ្លាំងពាក់ព័ន្ឋទៅនឹង បញ្ហាសុខភាពរបស់ពួកគាត់ខណះពេលបានឃើញសំរាមជាច្រើនកំពុងត្រូវបានគេចាក់ចូលទៅក្នុងកន្ទុយដីឡូររបស់លោក លន់ សុធីជាប់បឹងព្រែកទប់ដែលជាប្រភពទឹកស្អាតរបស់ក្រុងព្រះសីហនុ បន្ទាប់ពីប្រភពទឹកស្អាតក្បាលឆាយ បង្ករអោយមានក្លិនស្អុយស្ទើឈរជិតពុំបាន។
បង ប្រុស សារ៉េត ជាប្រជាពលរដ្ឋម្នាក់បានសំដែងទស្សនៈថា បឹងព្រែកទប់ជាបឹងប្រវត្តិសាស្ត្រដែលបានអាចផ្គត់ផ្គង់ទឹកដល់ប្រជាពលរដ្ឋមួយក្រុងព្រះសីហនុ ប៉ុន្តែមួយរយះចុងក្រោយនេះ មានការគំរាមកំហែងពីអ្នកមានអំណាច ដោយសារបានវាទទីចាក់ដីលប់ ធ្វើប្លង់កម្មសិទ្ឋជាទ្រព្យសម្បត្តិផ្ទាល់អស់ប្រមាណ៣០%ទៅហើយ។ ប៉ុន្តែអ្វីដែលកំពុងខ្លាំងជាងការចាក់ដីលប់នេះ គឺមានជនអគតិមួយចំនួនតូចបានលបលួចចាក់សំរាមចូលទៅក្នុងបឹងយ៉ាងអាណាធីបតេយ្យ ដោយពុំខ្វល់អំពីផលប៉ះពាល់សុខភាពប្រជាពលរដ្ឋ ភ្ញៀវទេសចរណ៏ជាតិ អន្តរជាតិ និងខ្លួនឯងដែលកំពុងប្រើប្រាស់ទឹកនេះរៀងរាល់ថ្ងៃ។ប្រភពដ៏ដែលបានបន្តថា ចំពោះបញ្ហានេះមន្ទីបរិស្ថានខេត្ត ស្ថាប័ណ្ណពាក់ព័ន្ឋ នា នា មិនគួរណា ធ្វើព្រងើយនោះទេ គួរតែមានវិធានការបន្ទាន់ បើពុំនោះទេវាអាចប៉ះពាល់យ៉ាធ្ងន់ធ្ងរទៅថ្ងៃខាងមុខ ពាក់ព័ន្ឋសុខភាព អនាម័យ។
លោក ប្រាក់ ប្រាកដ ប្រធានមន្ទីឧស្សាហកម្មនិងសិប្បកម្ម និងជាប្រធានអង្គភាពរដ្ឋាករទឹកស្អាតខេត្តព្រះសីហនុបានមានប្រតិកម្មយ៉ាងខ្លាំងថាចំពោះបញ្ហាប្រឈមនាពេលនេះ យើងពុំអាចបណ្តែតបណ្តោយយូរបានទេយើងរកដំណោះស្រាយបន្ទាន់ធ្វើយ៉ាងណាត្រូវយកសំរាម កាកសំណល់ទាំងនេះចេញអោយអស់ បើពុំនោះទេ វាបង្ករផលប៉ះពាល់ធ្ងន់ធ្ងរណាស់ លើសពីនេះវាប៉ះពាល់ដល់វិស័យទេសចរណ៏ផងដែរ។លោកបានត្រៀមរបាយការណ៏ និង ពាក្យបណ្តឹងទៅកាន់អាជ្ញាធរសង្កាត់ ក្រុង និង ខេត្តរួចហើយ លើសពីនេះលោកបានដាក់កំលាំងឃ្លាំមើលជនដែលយកសំរាមមកចាក់ចោលនៅម្តុំមាត់បឹងព្រែកទប់នេះ ប្រិសនបើរកឃើញជនណាមួយបានយកសំរាម រឺ កាក់សំណល់ នា នាមកចាក់ចោលច្បាស់លោកនឹងឃាត់ខ្លួនដាក់ពាក្យបណ្តឹងទៅកាន់តុលាការផ្តន្ទាទោសតាមផ្លូវច្បាប់។
លោក សាមុត សុធារិទ្ឋ ប្រធានស្តីទី មន្ទីបរិស្ថានបានបញ្ជាក់ថា ចំពោះបញ្ហានេះ ចាំលោកអោយមន្ត្រីចុះពិនិត្យចាក់ស្តែង ដើម្បីរកដំណោះស្រាយ។
ដោយឡែកឯកឧត្តម ជិន សារិន អភិបាលក្រុងព្រះសីហនុ និង ឯកឧត្តម ឈិត សេង ងួន អភិបាលរងខេត្តព្រះសីហនុ បានបញ្ចាក់ប្រាប់បណ្តាញពត៍មានស្រដៀងគ្នាថា ចំពោះបញ្ហានេះ ឯកឧត្តមពុំបានដឹងនោះទេ ចាំលោកអោយមន្ត្រីថ្នាក់មូលដ្ឋានចុះទៅពិនិត្យជាក់ស្តែង ៕
