ខេត្តក្រចេះ៖​ ចោរមួយក្រុមមានគ្នា៣នាក់ ត្រូវបានកម្លាំងនគរបាលស្រុកស្នួល បង្រ្កាបបានភ្លាមៗពីបទលួចមានស្ថានទំងន់ទោស បន្ទាប់ពីពួកគេបានធ្វើសកម្មភាពលួចគាស់តូបលក់ទូរស័ព្ទមួយកន្លែងនៅផ្សារស្នួលកាល ពីវេលាម៉ោង៣ទាបភ្លឺថ្ងៃទី២៧ មេសា និងបានលួចសម្ភារៈមួយចំនួនធំ។ នេះបើតាមការបញ្ជាក់ពីលោកចាន់ សុគីម អាធិការនគរបាលស្រុកស្នួល។

លោកវរសេនីយ៍ទោចាន់ សុគីម បានឲ្យដឹងទៀតថា ជនសង្ស័យទាំងបីនាក់ជាមនុស្សចំណូលស្រុក មានមុខរបរនិងទីលំនៅមិនពិតប្រាកដ និងក៏បានធ្វើសកម្មភាពគាស់ទម្លុះទម្លាយតូបលក់ទូរ ស័ព្ទមួយកន្លែង លួចបានទូរស័ព្ទដៃចំនួន២០គ្រឿង កុំព្យូរទ័រយួរដៃ ១គ្រឿង និងសម្ភារមួយចំនួនទៀត តែត្រូវកម្លាំងនគរបាលស្រុកបង្រ្កាបបានភ្លាមៗនៅនិងផ្ទះជួលមួយកន្លែងក្នុងស្រុកស្នួល៕​

ដោយ​៖ នគរបាល