ខេត្តស្វាយរៀង៖ មានភ្លៀងធ្លាក់លាយឡំនិងផ្គរន្ទះឆ្វេចឆ្វាចនិងបាញ់មួយគ្រាប់ត្រូវចំសត្វក្របីងាប់មួយក្បាលទាំងកណ្ដាលស្រែសំណាងមិនមានគ្រោះថ្នាក់ដល់មនុស្ស។
ហេតុការណ៍នេះបានកើតឡើងកាលពី
វេលាម៉ោង៣និង១០នាទីរសៀលថ្ងៃទី១១ខែមេសា ឆ្នាំ២០២២ស្ថិតនៅភូមិចេក ឃុំសំរោង ស្រុកចន្រ្ទាខេត្តស្វាយរៀង។
សមត្ថកិច្ចនគរបាលស្រុកបាត់ដឹងថាមានឈ្មោះ ខាំ ប៉ាន់ ភេទ ប្រុស អាយុ៦១ឆ្នាំ មុខរបរ មេភូមិ មានទីលំនៅភូមិចេក ឃុំសំរោង ស្រុកចន្រ្ទាខេត្តស្វាយរៀង។
តាមលោកមេភូមិបានអោយដឹងថាមុនកើតហេតុមេឃ រាង ងងឹតនិងមានមានភ្លៀងធ្លាក់ស្រិចៗលាយឡំនិងផ្គរន្ទះឆ្វេចឆ្វាចបន្ទាប់មករន្ទះបាញ់មួយគ្រាប់បណ្ដាលអោយត្រូវចំសត្វក្របីរបស់គាត់ប៉ុន្តែពេលភ្លាមៗនោះម្នាក់ៗមិនហ៊ានចេញពីផ្ទះទេរង់ចាំដល់មេឃរាំងក៏រត់ទៅមើលស្រាប់តែឃើញសត្វក្របីងាប់មួយក្បាលនៅកណ្ដាលស្រែសំណាងមិនមានគ្រោះថ្នាក់ដល់មនុស្ស។
អាជ្ញាធរមូលដ្ឋានបានអំពាវនាវដល់បងប្អូនប្រជាពលរដ្ឋពេលមានភ្លៀងធ្លាក់ខ្យល់កន្ត្រាក់និងរន្ទះត្រូវប្រញាប់ប្រញាលរកទីទួលមានសុវត្ថិភាពនិងបិទទូរសព្ទនឹងរាយការណ៍មកសមត្ថកិច្ចមូលដ្ឋានដើម្បីងាយស្រួលក្នុងការអន្តរាគមន៍ជួយសង្គ្រោះទាន់ពេលវេលា៕
ដោយ៖ យឹម សុថាន
