គ្រូបង្វឹក Ajax លោក Ten Hag បានចុះកិច្ចសន្យារក្សាគាត់នៅក្លិបបិសាចក្រហម Manchester United រហូតដល់ឆ្នាំ២០២៥ជាមួយនឹងជម្រើសសម្រាប់១ឆ្នាំទៀត។ នេះមានន័យថា គាត់នឹងទៅដឹកនាំក្រុមបិសាចក្រហមនៅរដូវកាលក្រោយជំនួសលោក Ralf Rangnick ដែលកំពុងដឹកនាំបណ្តោះអាសន្ន។
ជុំវិញការផ្លាស់ប្តូរនេះ Ten Hag បាននិយាយថា “វាជាកិត្តិយសដ៏អស្ចារ្យដែលត្រូវបានតែងតាំងជាអ្នកចាត់ការទូទៅរបស់ Manchester United ហើយខ្ញុំពិតជារំភើបយ៉ាងខ្លាំងចំពោះការប្រកួតប្រជែងនាពេលខាងមុខ។ ខ្ញុំដឹងពីប្រវត្តិនៃក្លិបដ៏អស្ចារ្យនេះ និងចំណង់ចំណូលចិត្តរបស់អ្នកគាំទ្រ ហើយខ្ញុំពិតជាប្តេជ្ញាចិត្តក្នុងការអភិវឌ្ឍក្រុមដែលមានសមត្ថភាពផ្តល់នូវភាពជោគជ័យដែលពួកគេសមនឹងទទួលបាន។ វានឹងពិបាកក្នុងការចាកចេញពី Ajax បន្ទាប់ពីឆ្នាំដ៏អស្ចារ្យទាំងនេះ ហើយខ្ញុំអាចធានាបាន អ្នកគាំទ្ររបស់យើងចំពោះការប្តេជ្ញាចិត្តពេញលេញរបស់ខ្ញុំ និងផ្តោតលើការនាំយករដូវកាលនេះទៅកាន់ការបញ្ចប់ប្រកបដោយជោគជ័យ មុនពេលដែលខ្ញុំផ្លាស់ទៅ Manchester United” ។បុរសសញ្ជាតិហូឡង់រូបនេះនឹងត្រូវផ្តល់ប្រាក់ផ្ទេរ២០០លានផោននៅរដូវកាលក្រោយ។ ទំហំទឹកប្រាក់នេះក៏អាចមានចំនួនខ្ពស់នៃកីឡាករក្រុមដំបូងដែលចាកចេញពីក្លិបនៅរដូវក្តៅនេះដូចចា Paul Pogba, Nemanja Matic, Jesse Lingard, Edinson Cavani, Juan Mata និង Lee Grant ទាំងអស់អាចចាកចេញនៅពេលដែលកិច្ចសន្យារបស់ពួកគេចប់។ចំណែកកីឡាករ Aaron Wan-Bissaka, Eric Bailly, Phil Jones, Alex Telles, Anthony Martial និង Marcus Rashford ក៏អាចនឹងចេញផងដែរ ខណៈដែល Donny van de Beek អាចនឹងត្រូវរួចខ្លួនពីការធ្វើការជាមួយើផល Ten Hag ពីមុន។ ក្លិប Man United អាចនឹងសម្លឹងរកការបន្ថែមតារាថ្មីដែលអាចចាប់ផ្ដើមរហូតដល់៧នាក់។ក្នុងការការពារ កីឡាករ Noussair Mazraoui អាចដើរតាមលោក Ten Hag ពី Ajax ទៅ Old Trafford រីឯកីឡាករ Presnel Kimpembe របស់ក្លិប Paris Saint-Germain ក៏អាចជាគោលដៅផងដែរ ក៏ដូចជាកីឡាករគ្មានតម្លៃផ្ទេរ Antonio Rudiger ឆាប់ៗនេះ។ នៅតំបន់កណ្តាលខ្សែបម្រើសំខាន់របស់ West Ham គឺកីឡាករ Declan Rice គឺជាគោលដៅសំខាន់មួយ និង Ruben Neves របស់ Wolves ផងដែរដែរ។ ទោះជាយ៉ាងនេះក្តីទាំង២នាក់អាចចំណាយអស់ទំហំទឹកប្រាក់ដែលបានផ្តល់ជូនលោកទាំងស្រុង។
កីឡាករ Christopher Nkunku របស់ RB Leipzig ក៏ជាគោលដៅបន្ទាប់ពីរដូវកាលដ៏ល្អនៅឆ្នាំនេះ។ កីឡាករជម្រើសជាតិបារាំងរូបនេះរកបាន៣០គ្រាប់ និងបញ្ជូនបាល់ឱ្យមិត្តរួមក្រុមបាន១៩ដង ពោលគឺលេងជាខ្សែបម្រើប្រយុទ្ធ ហើយ Nkunku អាចលេងកន្លែងណាក៏បាននៅពីក្រោយខ្សែប្រយុទ្ធ។ ចំណែកខ្សែប្រយុទ្ធ Harry Kane គឺជាគោលដៅផ្ទេរដ៏សំខាន់នៅក្នុងការតាមប្រម៉ាញ់យក ៕ (រូបភាព ៖ thesun.com)
