ការប្រជែងរបស់ក្រុម Arsenal ដើម្បីទទួលបានកៅអី Champions League សម្រាប់រដូវកាលក្រោយនឹងប្រឈមមុខនឹងការប្រជែងចុងក្រោយនៅមុនការប្រកួតថ្ងៃសៅរ៍នៅកីឡដ្ឋាន Emirates ទល់នឹងក្រុមបិសាចក្រហម Manchester United ដែលបច្ចុប្បន្នកំពុងសម្លឹងមើលកៅអីសម្រាប់ក្របខ័ណ្ឌ Europa League នៅរដូវកាលក្រោយ។

Arsenal ឈរនៅលេខរៀងទី៥ មាន៥៧ពិន្ទុ ស្មើពិន្ទុជាមួយក្រុមលេខ៤ Tottenham Hotspur ដែលជាកៅអីក្នុង Champions League។ ចំណែកក្រុមលេខ៦ Manchester United ដែលជាក្លិបដំបូងគេនៅក្រៅតារាង Europa League មាន៣ពិន្ទុតាមពីក្រោយក្រុមកាំភ្លើងធំ ដែលបច្ចុប្បន្នត្រូវបានចងជំនួសវិញសម្រាប់ការប្រកួតវគ្គជម្រុះ Conference League ដែលពួកគេមាន២ពិន្ទុដាច់ពីក្រុមលេខ៧ West Ham United ។Arsenal បានឈ្នះការប្រកួត Premier League ចុងក្រោយរបស់ពួកគេក្នុងលទ្ធផល ៤-២ នៅ Stamford Bridge ទល់នឹង Chelsea ដោយបញ្ចប់ការចាញ់៣ប្រកួតជាប់គ្នា ខណៈដែល Manchester United ចាញ់ Liverpool ៤-០ នៅ Anfield ក្នុងការប្រកួតលីកចុងក្រោយ។ក្រុមបិសាចក្រហម Manchester United បានឈ្នះការជួបគ្នាចុងក្រោយនៅ Premier League ជាមួយក្រុម Arsenal ដោយបានយកឈ្នះ ៣-២នៅ Old Trafford កាលពីខែធ្នូ។ ពេលនោះ Cristiano Ronaldo បានរកបាល់​នាំ​មុខឲ្យក្រុម​បិសាច​ក្រហម​បាន​ពីរ​គ្រាប់​ដោយ​ស៊ុត​បញ្ចូល​ទី​នៅ​នាទី​ទី៥២ និងនាទីទី៧០ ខណៈដែល Bruno Fernandes រកបាន១គ្រាប់ផងដែរ។​ រីឯកីឡាករ Emile Smith Rowe និង Martin Ødegaard រកបានបំប៉ោងសំណាញ់ទីសម្រាប់ក្រុមកាំភ្លើងធំ។ខ្សែប្រយុទ្ធ Smith Rowe និង Bukayo Saka ជាកីឡាករគួរឲ្យចាប់​អារម្មណ៍​សម្រាប់ Arsenal ក្នុង​រដូវ​កាល​នេះ។ ពួកគេគឺជាអ្នកស៊ុតបញ្ចូលទីច្រើនជាងគេរបស់ក្រុមដែលមាន១០គ្រាប់ ហើយពួកគេទាំង២នាក់ក៏​មាន​ចំនួន​ដូចគ្នា​នៃ​ការ​ស៊ុត​បាល់​បញ្ចូល​ទី​ក្នុង​ការ​ប្រកួត​ជាមួយ​គ្នា​ចំនួន៤គ្រាប់ផងដែរ។ ចំណែក Fernandes គឺជាកីឡាករដែលលេចធ្លោជាងគេសម្រាប់ Manchester United ដោយស៊ុតបញ្ចូលទីបានចំនួន៩គ្រាប់ក្នុងនោះមាន៣គ្រាប់ក្នុងការប្រកួតបើកឆាកជាមួយក្រុម Arsenal។នៅកីឡដ្ឋាន Emirates រដូវកាលនេះក្រុម Arsenal ឈ្នះ១០ ស្មើ២ និងចាញ់៤ដងក្នុង១៦ការប្រកួតនៅ Premier League ។ Manchester United បានលេងក្រៅទឹកដីចំនួន១៦ដងក្នុងលីកក្នុងរដូវកាលនេះដោយទទួលបាន២៣ពិន្ទុដែលឈ្នះ៦ ស្មើ៥ និងចាញ់៥។

ក្នុង​ការ​ប្រកួត​លីក​៦​លើក​ចុង​ក្រោយ​ ក្រុមកាំភ្លើងធំ Arsenal ឈ្នះ​២ និង​ចាញ់​៤។ ចំណែក Manchester United ឈ្នះ​២ ស្មើ​១ និង​ចាញ់​៣ ​ក្នុង​៦​ប្រកួត​ចុងក្រោយ​។ ក្រុមទាំង២នឹងត្រូវប៉ះគ្នានៅរាត្រីថ្ងៃសៅរ៍នេះវេលាម៉ោង៦និង៣០នាទីល្ងាចម៉ោងនៅកម្ពុជា ៕ (រូបភាព ៖ soccerway.com)