ភ្នំពេញ៖ កម្មករកម្មការនីធ្វើការក្នុងរោងចក្រកាត់ដេរសំលៀកបំពាក់យុីហោ ហុីយុនវូខេមខូអិលធីឌី បានភ័យស្លន់ស្លោរត់ចែកជើគ្នាចេញពីរោងចក្របន្ទាប់ពីមានករណីទុស្សេខ្សែភ្លើងក្នុងកាប៊ីនធំដែលដាក់នៅខាងក្នុងរោងចក្រនិងបង្ករការភ្ញាក់ផ្អើលដល់សមត្ថកិច្ចមូលដ្ឋានហៅរថយន្តពន្លត់អគ្គីភ័យមកជួយអន្តរាគមន៍។
ហេតុការភ្ញាក់ផ្អើរនេះកើតឡើងកាលពីម៉ោង១០និង០៥នាទីព្រឹកថ្ងៃទី២៩ ខែមេសា ឆ្នាំ២០១៦ នៅចំណុចដីឡូឃ្លាំងលេខ១១៦ក ផ្លូវលំ ភូមិត្រពាំងស្វាយ សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។
តាមការឲ្យដឹងពីកម្មករកម្មការនីបានឲ្យដឹងថា នៅមុនកើតហេតុខណៈដែលកម្មករកម្មការនីកំពុងធ្វើការយ៉ាងមមាញឹកស្រាប់តែឮសូរសំលេងផ្ទុះនៅក្នុងរោងចក្រធ្វើឲ្យម្នាក់ៗភ័យស្លន់ស្លោរត់ចេញមកក្រៅគ្រាប់ៗគ្នា។
ពេលនោះខាងតំណាងរោងចក្រឃើញកម្មកររត់ប្រសាចបែបនេះក៍នាំគ្នាទៅមើលទើបដឹងថាសម្លេងផ្ទុះខាងលើគឺផ្ទុះកាប៊ីនភ្លើងមេធំនៅក្នុងរោងចក្រនិងមានជាអណ្តាតភ្លើងឆាបឆេះផងហើយក៍នាំគ្នាយកបំពង់ពន្លត់អគ្គីភ័យមកបាញ់អស់ជាង១០បំពង់ទើបរលត់ទៅវិញ។ ចំណែករថយន្តពន្លត់អគ្គីភ័យបានមកដល់តែមិនបានបាញ់ទឹកទេព្រោះវារលត់ទៅហើយ។
សមត្ថកិច្ចមូលដ្ឋានបញ្ជាក់ថា ក្នុងហេតុការណ៍នេះពុំបណ្តាលឲ្យមានអ្នករបួសនោះទេ ចំណែកសម្ភារៈក្នុងរោងចក្រក៍ពុំមានខូចខាតអ្វីដែ៕
ដោយ៖ តុង សហា
