ខេត្ដសៀមរាប៖ យ៉ាងហោចណាស់មនុស្សចំនួន៣នាក់រងរបួសធ្ងន់និងស្រាល និងផ្ទះចំនួន២៤ខ្នងខូចខាងទាំងស្រុង និងជាង២៣៥ខ្នងទៀត ប៉ើងដំបូល ដោយសារខ្យល់កន្ដ្រាក់។
ហេតុការណ៍នេះកើតឡើងនៅវេលាម៉ោង១៧និង០០នាទីល្ងាចម្សិលមិញ ស្ថិតនៅស្រុកវ៉ារិន ខេត្ដសៀមរាប។
ប្រភពពីសមត្ថកិច្ចបានឲ្យដឹងថា ករណីភ្លៀងលាយឡំនិងខ្យល់កន្ត្រាក់ប៉ះចំនួន៥ភូមិក្នុងនោះមាន ភូមិវត្ត ស្រែពោធិ៍ ដៃអាវ គោកវត្ត ស្រែណូយ សរុបការខូចខាតផ្ទះប្រជាពលរដ្ឋ ២៥៩គ្រួសារ ស្មើ២៥៩ផ្ទះ ខូចខាតទាំងស្រុង២៤ខ្នង ផ្ទះប៉ើងដំបូល២៣៥ខ្នង ខូចរថយន្ដ៦គ្រឿង និងអីវ៉ាន់គ្រឿងឧបភោគបរិភោគមួយចំនួនធំ របួសមនុស្សសរុប៣នាក់ ស្រី២នាក់ ក្នុងនោះស្រាល២ធ្ងន់១ បច្ចុប្បន្នបញ្ជូនទៅមន្ទីរពេទ្យបង្អែកខេត្តសៀមរាប៕
ដោយ៖ ជានិរន្ដរ៍
...
