ភ្នំពេញ៖ នៅរសៀលថ្ងៃទី២៧ ខែមេសា ឆ្នាំ២០២២ លោកឧត្តមសេនីយ៍ទោ តាន់ គុណតារា បានដឹកនាំកម្លាំងសមត្ថកិច្ចគណៈកម្មាធិការប្រយុទ្ធប្រឆាំងផលិតផលក្លែងក្លាយ ដែលបង្ក គ្រោះថ្នាក់ មានហានិភ័យខ្ពស់ដល់សុខភាព និងសុវត្ថិភាពសង្គម ចុះឆែក កន្លែង លោកវេជ្ជបណ្ឌិត សេង អរីយ្យនន ខាងក្រុមហ៊ុន ណូអេហ៍ អិនធើណេសិនណល សិនធើ មានទីតាំងផ្ទះលេខ ៦០១-៦០២ ផ្លូវកោះពេជ្រ សង្កាត់ទន្លេបាសាក់ ខណ្ឌចំការមន រាជធានីភ្នំពេញ ដែលម្ចាស់ទីតាំងអះអាងថា មានច្បាប់អនុញ្ញាតពីក្រសួងសុខាភិបាល សម្រាប់បើកគ្លីនិក ប៉ុន្តែខ្លួនមិនទាន់ដំណើរការផង ស្រាប់តែសមត្ថកិច្ចចុះមកបង្ក្រាប ។ 

សូមបញ្ជាក់ថា ការបង្ក្រាបឆែកឆេរនេះ ក៏មានវត្តមាន របៀបជាការឃ្លាំមើល ដឹកនាំពីលើបន្ថែម ដោយលោកឧត្តមសេនីយ៍ឯក សោម សោភ័ណ្ឌ អនុប្រធានបណ្ឌិត្យសភានគរបាលកម្ពុជា និងជាអនុប្រធានគណៈកម្មាធិការប្រយុទ្ធប្រឆាំងផលិតផលក្លែងក្លាយ ដែលបង្ក គ្រោះថ្នាក់ មានហានិភ័យខ្ពស់ដល់សុខភាព និងសុវត្ថិភាពសង្គម ។ 

ដំណឹងបឋមលេចឮថា, កំពុងមានករណី(ចចារ)គ្នានៅកន្លែងនោះ ប៉ុន្តែគេពុំដឹងថា, ការ(ចចារ) ដោយរបៀបណា តាមនីតិវិធី ឬទាញយកប្រយោជន៍ ? 

ពាក់ព័ន្ធករណីនេះ នៅល្ងាចថ្ងៃទី២៧ ខែមេសា ឆ្នាំ២០២២ លោកឧត្តមសេនីយ៍ទោ តាន់ គុណតារា បានប្រាប់អង្គភាព មជ្ឈមណ្ឌលសារព័ត៌មាន”នគរវត្ត” តាមទូរស័ព្ទថា, មានព័ត៌មានពីណាមកថាមានច្បាប់អនុញ្ញាត ! ) ,ជាមួយនឹងសំណួរថា, លោកវេជ្ជបណ្ឌិត សេង អរីយ្យនន ខាងក្រុមហ៊ុន ណូអេហ៍ អិនធើណេសិនណល សិនធើ មានច្បាប់អនុញ្ញាតពីក្រសួងសុខាភិបាល , លោកឧត្តមសេនីយ៍ទោ តាន់ គុណតារា បញ្ជាក់ថា, (ក៏ប៉ុន្តែគាត់មានបើកគ្លីនិកព្យាបាលជំងឺ ហើយគាត់មិនមានលិខិតអនុញ្ញាតកែសម្ផស្សឯណា ! ) ។ ដោយឡែកចំពោះលេចឮថា, មានករណី(ចចារ)លុយកាក់គ្នា , លោកឧត្តមសេនីយ៍ទោ តាន់ គុណតារា បានលើកឡើងថា, (ខ្ញុំអត់ទាន់មានទទួលចចារ គ្រាន់តែគាត់បើកកែសម្ផស្សហើយ)។

លោកឧត្តមសេនីយ៍ឯក តាន់ សុវិជ្ជា ប្រធានលេខាធិការដ្ឋាន គណៈកម្មាធិការប្រយុទ្ធប្រឆាំងផលិតផលក្លែងក្លាយ ដែលបង្ក គ្រោះថ្នាក់ មានហានិភ័យខ្ពស់ដល់សុខភាព និងសុវត្ថិភាពសង្គម បានប្រាប់អង្គភាព មជ្ឈមណ្ឌលសារព័ត៌មាន”នគរវត្ត” តាមទូរស័ព្ទថា, ខ្ញុំអត់ដឹងទេ ព្រោះអត់ទាន់មានអ្នករាយការណ៍ ។ ចំពោះសំណួរថា, ឮថាមានករណីចចារ តើការចចារនេះដោយរបៀបណា? លោកឧត្តមសេនីយ៍ឯក តាន់ សុវិជ្ជា ប្រធានលេខាធិការដ្ឋាន បាន បកស្រាយថា, ខ្ញុំអត់ដឹងទេករណីហ្នឹង. ! គ្រាន់តែថ្ងៃហ្នឹងមានការបើកប្រតិបត្តិការត្រួតពិនិត្យ កន្លែងគ្លីនិកហ្នឹង . អត់ច្បាប់ អត់អីណា ! ប៉ុណ្ណឹងទេ អ្វីៗផ្សេងខ្ញុំអត់បានដឹង ។ 

ដោយឡែក នាយឧត្តមសេនីយ មៀច សុផាន់ណា រដ្ឋលេខាធិការដ្ឋាន ក្រសួងមហាផ្ទៃ និងជាប្រធានគណៈកម្មាធិការប្រយុទ្ធប្រឆាំងផលិតផលក្លែងក្លាយ ដែលបង្ក គ្រោះថ្នាក់ មានហានិភ័យខ្ពស់ដល់សុខភាព និងសុវត្ថិភាពសង្គម អង្គភាព មជ្ឈមណ្ឌលសារព័ត៌មាន”នគរវត្ត” មិនអាចទាក់ទងសុំការបំភ្លឺបានទេ ដោយនៅល្ងាចថ្ងៃទី២៧ ខែមេសា ឆ្នាំ២០២២ ទួរស័ព្ទចូល គ្មានអ្នកទទួល។ ចុងក្រោយទទួលដំណឹងថា, សមត្ថកិច្ចនាំខ្លួនមនុស្ស៣នាក់ ទៅក្រសួងមហាផ្ទៃ។ 

បើយោងតាមមន្ត្រីសុខាភិបាលបានបញ្ជាក់ថា, ទីតាំងនេះមានច្បាប់អនុញ្ញាតឱ្យបើកសេវាព្យាបាលជំងឺ ប៉ុន្តែមានរៀបចំកន្លែងទីតាំងកែសម្ផស្ស គ្រាន់តែមិនទាន់ដំណើរការ។ ដូច្នេះមិនទាន់មានកំហុសណាមួយនៅឡើយទេ។ 

ប្រភពមួយមួយទៀត បានលេចចេញថា, លោកស័ក្តិ៥ ហ៊ុយ សុងហាក់ ចុះបង្ក្រាបទីតាំងកន្លែងចិននៅមុខ ពោធិចិនតុង កន្លងទៅថ្មីៗមុនចូលឆ្នាំថ្មី ឃាត់ខ្លួនស្ត្រីជនជាតិចិន១យប់ ទារ១៥០០០ដុល្លារ , ក្រោយមកចចារត្រឹម១២០០០ដុល្លារ ដោះអោយមកវិញ និងទារ១០០០ដុល្លារបន្លែមដើម្បីបើកសុីល។

សូមបញ្ជាក់ផងដែរថា, ករណីកម្លាំងសមត្ថកិច្ចប្រឆាំងបទល្មើសក្លែងក្លាយ នាំខ្លួនមនុស្ស ៣នាក់ ទៅកាន់អង្គភាពរបស់ខ្លួននៅក្រសួងមហាផ្ទៃ , មជ្ឈដ្ឋានទូទៅរបស់ប្រជាពលរដ្ឋ កំពុងធ្វើការតាមដានយ៉ាងយកចិត្តទុកដាក់ ថា តើនីតិវិធីរបស់មន្ត្រីនគរបាលយុត្តិធម៌ ធ្វើកំណត់ហេតុស្ដាប់ចម្លើយ ដើម្បីកសាងសំណុំរឿងបញ្ជូនទៅសាលាដំបូង ឬមួយយ៉ាងណា? ចុះបើក្នុងករណីនេះ អ្នកទាំងបីនាក់ គ្មានកំហុសនិងមានច្បាប់អនុញ្ញាតវិញ តើខាងអង្គភាពប្រឆាំងផលិតផលក្លែងក្លាយ ត្រូវឱ្យត្រឡប់មកវិញឬមួយយ៉ាងណា? ចុះបើគាត់គ្មានកំហុស តើសិទ្ធិ និងកិត្តិយសរបស់ពួកគាត់ ត្រូវបានស្ដារឡើងវិញបានទេ? ៕

ឯកឧត្តម នាយឧត្តមសេនីយ៍ មៀច សុផាន់ណា រដ្ឋលេខាធិការ​ក្រសួងមហាផ្ទៃ និងជាប្រធានគណៈកម្មាធិការប្រយុទ្ធប្រឆាំងផលិតផលក្លែងក្លាយ

លោកឧត្តមសេនីយ៍ទោ តាន់ គុណតារា

លោកឧត្តមសេនីយ៍ឯក សោម សោភ័ណ្ឌ អនុប្រធានបណ្ឌិត្យសភានគរបាលកម្ពុជា និងជាអនុប្រធានគណៈកម្មាធិការប្រយុទ្ធប្រឆាំងផលិតផលក្លែងក្លាយ

ដោយ : មជ្ឈមណ្ឌលសារព័ត៌មាន”នគរវត្ត”