ភ្នំពេញ៖ ហេតុការណ៍ភ្ញាក់ផ្អើលមួយបានកើតឡើង បន្ទាប់ពីស្រី្តជនអនាថាម្នាក់ បានដេកស្លាប់យ៉ាងអណោចអធ័មនៅតាមផ្លូវក្បែរស្ពានប្រលាយទឹកស្អុយ ជិតស្តុំផ្សារដើមគរ ។
ករណីមនុស្សដេកស្លាប់ខាងលើនេះ បានកើតឡើងនៅវេលាម៉ោង៧ និង៣០នាទីព្រឹក នាថ្ងៃទី៣០ ខែមេសា ឆ្នាំ២០១៦ នៅចំណុចស្ពាន ប្រលាយទឹកស្អុយ ៣៣៦ ក្រុម១៧ ភូមិ៦ សង្កាត់បឹងសាឡាន ខណ្ឌទួលគោក ។
ជនអណាថា ដេកស្លាប់ ភេទស្រី អាយុប្រហែល៥០ឆ្នាំ (ស្លាប់) មិនស្គាល់អត្តសញ្ញាណ ។
ក្រោយកើតហេតុសមត្ថកិច្ចធ្វើត្រួតពិនិត្យទៅលើសាកសពទើបដឹងថាជនរងគ្រោះស្លាប់ដោយសារគាំងបេះដូង ហើយសពត្រូវបានសមត្ថកិច្ចដឹកយកទៅតម្កល់ទុកនៅវត្តស្ទឹងមានជ័យ រងចាំបងប្អូនមកទទួលយកទៅធ្វើបុណ្យតាមប្រពៃណី ៕
ដោយ៖ ស ដារ៉ា
...
