ភ្នំពេញ៖ ជនមិនស្គាល់មុខបានយកកង់ឡានចាស់ៗមកដុតចោលក្នុងផ្ទះដែលគេទុកចោលចូលមកហេីយបង្កការភ្ញាក់ផ្អេីលកាលពីវេលាម៉ោង៣រសៀល ថ្ងៃទី៥ ខែឧសភា ឆ្នាំ២០២២ នៅភូមិជ្រៃកោង សង្កាត់ចោមចៅទី២ ខណ្ឌពោធិ៍សែនជ័យ។
តាមប្រភពព័ត៌មានបានឲ្យដឹងថា ផ្ទះខាងលេីម្ចាស់បានទុកចោលជាយូមកហេីយ លុះមកដល់វេលាកេីតហេតុស្រាប់តែឃេីញមានផ្សែងហុយចេញពីក្នុងផ្ទះយ៉ាងខ្មួរខ្មាញ់ ដោយទីតាំងជាប់និងរបងរោងចក្រមួយកន្លែងនិងផ្ទះពលរដ្ឋហេីយខ្លាចរៀលដាលឆេះរោងចក្រទេីបនាំគ្នាយកបំពង់ពន្លត់អគ្គិភ័យមកបាញ់ពន្លត់ដោយមិនរៀលដាលដល់ផ្ទះអ្នកជិតខាងនោះទេ។
សូមបញ្ជាក់ថា មូលហេតុនៃការឆាបឆេះខាងលេីនេះគឺមានជនមិនស្គាល់មុខមកលួចដុតសំកបកង់ឡាននៅខាងក្នុងផ្ទះរួចគេចខ្លួនបាត់៕ដោយ៖សុខាសនជ័យ
...
