ក្រុម AC Milan បាបនាំមុខក្រុម Inter Milan ២ពិន្ទុនឹងឈានទៅប្រកួតថ្ងៃចុងក្រោយនៃរដូវកាល Serie A ខណៈដែលក្រុមទាំង២បានឈ្នះដូចគ្នាកាលពីថ្ងៃអាទិត្យ។ ការនាំមុខ២ពិន្ទុនេះធ្វើឲ្យក្រុមទាំង២នៅតែប្រជែងគ្នាយ៉ាងស្វិតស្វាញក្នុងការគ្រងជើងឯកអ៊ីតាលី Serie A រដូវកាលនេះ។

គ្រាប់​បាល់​ដ៏​អស្ចារ្យ​របស់កីឡាករ Theo Hernandez បាន​បិទ​ការ​ទទួល​ជ័យ​ជម្នះ 2-0 របស់ AC Milan លើក្រុមភ្ញៀវ Atalanta ដើម្បី​ធ្វើ​ឱ្យ​ពួក​គេ​ឡើង​ទៅ​លើកំពូលតារាង​ក្រប​ខ័ណ្ឌ Serie A ជា​លើក​ដំបូង​ក្នុង​រយៈ​ពេល១១ឆ្នាំ។ គ្រាប់បាល់ទី២របស់ខ្សែការពារស្លាបឆ្វេងសញ្ជាតិបារាំងរូបនេះបានបង្កឱ្យមានការអបអរសាទរយ៉ាងក្លៀវក្លានៅឯកីឡដ្ឋាន San Siroខណៈដែលកីឡាករ Rafael Leao បានស៊ុតបញ្ចូលទីគ្រាប់ទី១នៅនាទីទី៥៦។ក្រុម AC Milan នឹងត្រូវប៉ះក្រុម Sassuolo នៅថ្ងៃអាទិត្យសប្តាហ៍ក្រោយ ហើយប្រសិនបើក្រុម AC Milan ឈ្នះនឹងឈ្នះជើងឯកអ៊ីតាលី Serie A នៅរដូវកាលនេះ។ចំណែកក្រុមភ្ញៀវ Inter Milan បានយកឈ្នះក្រុមម្ចាស់ផ្ទះ Cagliari ក្នុងលទ្ធផល៣ទល់១ ដែលធ្វើឲ្យក្រុមនេះកំពុងតាមប្រកិតនឹងក្រុម AC Milan ក្នុងការឈ្នះពានរដូវកាលនេះ។ ៣គ្រាប់របស់ក្រុម Inter Milan រកបានដោយកីឡាករ Darmian នៅនាទីទី២៥ និង២គ្រាប់ទៀតរកបានក្នុងតង់ទី២ ដោយកីឡាករ Martinez នៅនាទីទី៥១ និងនៅនាទីទី៨៤។ ចំណែកក្រុមម្ចាស់ផ្ទះរកបាន១គ្រាប់សងវិញដែរនៅនាទីទី៥៤ដោយកីឡាករ Lykogiannis ។

លទ្ធផលនេះធ្វើឲ្យក្រុម Inter Milan ឈរលេខរៀងទី២ មាន៨១ពិន្ទុ និងគ្រាប់បាល់ចំណេញ៤៩គ្រាប់ ខណៈដែលក្រុម AC Milan ឈរកំពូលតារាងមាន៨៣ពិន្ទុ ជាមួយគ្រាប់បាល់ចំណេញ៣៥ពិន្ទុ។ ក្រុមទាំងនៅសល់ម្នាក់១ប្រកួតទៀតដែលនឹងចប់រដូវកាល២០២១-២០២២នេះ ដោយក្រុម AC Milan នឹងត្រូវប៉ះក្រុមម្ចាស់ផ្ទះ Sassuolo នៅថ្ងៃទី២២ ខែឧសភា ខណៈដែលក្រុម Inter Milan នឹងត្រូវប៉ះក្រុម Sampdoria នៅថ្ងៃទី២២ ឧសភានេះដែរ។ ប្រសិនបើក្រុម AC Milan ស្មើ ហើយ Inter Milan ឈ្នះ នោះInter Milan នឹងលើកពាន ប៉ុន្តែបើសិនជា AC Milan ឈ្នះនោះនឹងលើកពានឆ្នាំនេះ ៕ (រូបភាព ៖ BBC Sport)