រយៈពេល១១ឆ្នាំហើយចាប់តាំងពីក្រុម AC Milan បានឈ្នះជើងឯក Serie A ចុងក្រោយ ប៉ុន្តែក្រុមនេះត្រូវការត្រឹមតែស្មើនៅទឹកដីក្រុមSassuolo នៅថ្ងៃអាទិត្យ ទី២២ ឧសភានេះដើម្បីលើកពានដែលរង់ចាំដ៏យូរពេកសម្រាប់ក្លិបដ៏អស្ចារ្យរបស់ពួកគេ។​ ថ្ងៃបានមកដល់ជាយូរណាស់មកហើយសម្រាប់អ្នកគាំទ្រ AC Milan ដោយក្លិបបានឈ្នះពានរង្វាន់ក្រោមការដឹកនាំរបស់លោក Massimiliano Allegri ក្នុងឆ្នាំ២០១០-២០១១។

ត្រឹមតែរយៈពេល៤ឆ្នាំបន្ទាប់ពីការឈ្នះពានរង្វាន់ Serie A លើកទី១៨របស់ពួកគេ ម្ចាស់ជើងឯកពានរង្វាន់ទ្វីបអឺរ៉ុបចំនួន៧ដងមួយនេះបានបញ្ចប់ក្នុងចំណាត់ថ្នាក់លេខ១០ក្នុងតារាង ដោយចំណាយពេល៧រដូវកាលមិនគួរឱ្យជឿមិនស្ថិតក្នុងក្រុមកំពូលទាំង៤នៃក្របខ័ណ្ឌកំពូលរបស់អ៊ីតាលីរវាងឆ្នាំ២០១៤ដល់ឆ្នាំ២០២០។ការ​ធ្លាក់​ចុះ​នេះ​មិន​ត្រូវ​បាន​ជួយ​ដោយ​​មាន​ការ​ផ្លាស់​ប្តូរ​ភាព​ជា​ម្ចាស់​ផ្សេង​ៗ បន្ទាប់​ពី​អតីត​នាយក​រដ្ឋមន្ត្រី​អ៊ីតាលី Silvio Berlusconi បាន​បោះបង់​ការ​គ្រប់​គ្រងក្លិបនេះ។ បន្ទាប់ពីការចាកចេញរបស់លោក Allegri ក្នុងឆ្នាំ២០១៤ គ្រូបង្វឹកអចិន្ត្រៃយ៍មិនតិចជាង៦នាក់ក្នុងរយៈពេល៥ឆ្នាំបានព្យាយាម និងបរាជ័យក្នុងការជួយក្រុមមុនពេលលោក Stefano Pioli ចូលមកដឹកនាំក្រុម ។វឌ្ឍនភាពក្រោមការដឹកនាំរបស់លោក Pioli ត្រូវបានបង្កើតឡើងបន្តិចម្តងៗ ឆ្ពោះទៅរកការពិតនៃចុងសប្តាហ៍នេះ។ AC Milan នាំមុខ២ពិន្ទុលើក្រុម Inter Milan ទៅកាន់ជុំចុងក្រោយនៃការប្រកួត Serie A រដូវកាលនេះ ដោយសារពួកគេមានកំណត់ត្រាល្អជាងលើគូប្រជែង ហើយចំណុចមួយគឺជាអ្វីដែលពួកគេត្រូវការសម្រាប់ជើងឯកក្របខ័ណ្ឌកំពូលលើកទី១៩។លោក Pioli បាននិយាយបន្ទាប់ពីការឈ្នះកាលពីចុងសប្តាហ៍មុនលើក្រុម Atalanta ថា “អ្វីដែលក្រុមកំពុងធ្វើតាមទស្សនៈផ្លូវចិត្តវាពិតជាមិនគួរឱ្យជឿ។ នៅពេលយើងចូលកាន់តំណែងនៅ AC Milan ក្រុមមានឧត្តមគតិ និងគោលគំនិតខុសគ្នាទាំងស្រុង ដូច្នេះយើងត្រូវផ្លាស់ប្តូរអ្វីៗទាំងអស់។យើងមានអ្នកគាំទ្រ១០,០០០នាក់កំពុងរង់ចាំយើង នៅពេលយើងបើកឡានក្រុងដែលហែរពានគឺជាអ្វីដែលខ្ញុំរំពឹងថាសប្តាហ៍ក្រោយនេះ”​ ។ប្រសិនបើ AC Milan ភ្លាត់ចាញ់ក្រុម Sassuolo ដែលជាក្រុមនៅពាក់កណ្តាលតារាងនៅថ្ងៃអាទិត្យ ហើយម្ចាស់ជើងឯក Inter Milan ទទួលជ័យជម្នះលើក្រុម Sampdoria នោះក្រុម AC Milan នឹងបាត់បង់ឱកាសលើកពានរយៈពេល១២ឆ្នាំទៀតជាមិនខាន។

ការប្រកួតបញ្ចប់រដូវកាល២០២១-២០២២នៅក្របខ័ណ្ឌកំពូលអ៊ីតាលី Serie A នឹងធ្វើឡើងនៅថ្ងៃសៅរ៍-អាទិត្យ ដោយថ្ងៃសៅរ៍មាន៤គូគឺក្រុមម្ចាស់ផ្ទះ Genoa ប៉ះក្រុម Bologna, ក្រុម Atalanta ប៉ះក្រុម Empoli, ក្រុម Fiorentina ប៉ះក្រុម Juventus , ក្រុម Lazio ប៉ះក្រុម Verona,។ ចំណែកការប្រកួតនៅថ្ងៃអាទិត្យមាន៥គូគឺ ក្រុម Spezia ប៉ះក្រុម Napoli, ក្រុម Inter Milan ប៉ះក្រុម Sampdoria, ក្រុម Sassuolo ប៉ះក្រុម AC Milan, ក្រុម Salernitana ប៉ះក្រុម Udinese, ក្រុម Venezia ប៉ះក្រុម Cagliari, ៕ (រូបភាព ៖ Reuters/CNA)