ក្លិបហង្សក្រហម Liverpool បានចុះហត្ថលេខាលើកីឡាករ Fabio Carvalho ពីក្រុម Fulham ជាមួយនឹងខ្សែប្រយុទ្ធដែលនឹងចូលរួមជាផ្លូវការនៅថ្ងៃទី១ ខែកក្កដា។
កីឡាករវ័យ១៩ឆ្នាំរូបនេះបានដើរតួយ៉ាងសំខាន់ក្នុងការជួយក្រុម Fullham ឡើងទៅកាន់ក្របខ័ណ្ឌ Premier League ដោយស៊ុតបញ្ចូលទីបាន១០គ្រាប់ និង Assist ចំនួន៨ដង។ ក្លិបបានយល់ព្រមលើតម្លៃផ្ទេរមួយក្នុងខែមករា ប៉ុន្តែកិច្ចព្រមព្រៀងបានធ្វើមុនកាលកំណត់។កីឡាករ Carvalho ចុះហត្ថលេខាលើកិច្ចសន្យារយៈពេល៥ឆ្នាំក្នុងតម្លៃ៥លានផោនជាមួយនឹងការបន្ថែម២.៧លានផោនបន្ថែមទៀត។ Carvalho លេងឱ្យក្រុមអង់គ្លេសក្នុងកម្រិតយុវជន ប៉ុន្តែបានបង្ហាញខ្លួនជាជម្រើសជាតិព័រទុយហ្គាល់អាយុក្រោម២១ឆ្នាំដំបូងក្នុងខែមីនា។
គាត់បានមកតាមរយៈសាលាហ្វឹកហាត់របស់ក្លិប Fulham ហើយត្រូវបានជ្រើសតាំងសម្រាប់កម្មវិធី EFL Young Player of the Season ដែលឈ្នះដោយ Brennan Johnson របស់ក្លិប Nottingham Forest ។
ម្ចាស់ក្លិបលោក Tony Khan បាននិយាយថា “Fabio គឺជាអ្នកមានទេពកោសល្យដ៏អស្ចារ្យ ហើយយើងបានធ្វើអ្វីគ្រប់យ៉ាងដែលយើងអាចព្យាយាមធានាគាត់នៅទីនេះក្នុងកិច្ចព្រមព្រៀងដ៏យូរដើម្បីឱ្យគាត់អាចលេងនៅ Premier League ជាមួយ Fulham។ នោះមិនអាចទៅរួចនោះទេ ប៉ុន្តែយើងអាចរក្សាគាត់ឱ្យនៅសេសសល់នៃយុទ្ធនាការឈ្នះជើងឯក ហើយសម្រាប់រឿងនេះខ្ញុំដឹងថាគាត់នឹងតែងតែចងចាំដោយក្តីស្រលាញ់ពីអ្នកគាំទ្ររបស់យើង” ៕ (រូបភាព ៖ BBC Sport)
