ភ្នំពេញ៖ បុរសសន្តិសុខម្នាក់ដែលគេស្គាល់ថាជាអ្នកមើលឡាន នឹងម៉ូតូនៅហាង ញូវ ខូលិកសិន ម្នាក់បើករថយន្តរេចង្កូតទៅបុករនាំងដែកពុះចែកផ្លូវបាក់ចំនួន១០ផ្ទាំងរួចជ្រុលទៅប៉ះនឹងរថនយន្ត១គ្រឿងទៀតដែលកំពុងធ្វើដំណើរតាមផ្លូវ រងការខូចខាតផ្នែកខាងមុខស្ទើរតែទាំងស្រុង កាលពីវេលាម៉ោង៤ និង៣០នាទីថ្ងៃទី៣ ខែឧសភា ឆ្នាំ២០១៥ តាមបណ្ដោយផ្លូវមហាវិថីព្រះសីហនុ សង្កាត់បឹងកេងកង២ ខណ្ឌចំការមន រាជធានីភ្នំពេញ។
បើតាមសាក្សីដែលបានឃើញហេតុការបានឲ្យដឹងថា មុនពេលកើតហេតុគេបានឃើញបុរសសន្តិសុខម្នាក់បានឡើងបើកបររថយន្តម៉ាកកូរ៉េ ពណ៌ស្លែ ពាក់ស្លាកលេខ ភ្នំពេញ 2W-0804ដែលកំពុងចតទុកចោលនៅមុនហាងលក់ខោអាវ ញូវ ខូលិកសិន តាមមហាវិថីព្រះសីហនុ ក្នុងទិសដៅពីលិចទៅកើតខណៈបុរសសន្តិសុខម្នាក់បានឡើងបើករថយន្តសាកក៏បានរេចង្កូតទៅខាងឆ្វេងដៃក៏ជ្រុលទៅបុករនាំងដែកពុះចែកផ្លូវបាក់អស់១០ផ្ទាំងហើយជ្រុលទៅប៉ះនឹងរថយន្ត១គ្រឿងទៀត ។
ក្រោយពេលកើតហេតុបុរសជាសន្តិសុខបានរត់គេចខ្លួនបាត់សម្រោល បន្សល់តែរថយន្តបង្កដែលរងការខូច ខាតនៅកន្លែងកើតហេតុត្រូវបានកម្លាំងជំនាញបានធ្វើការវាស់វែងនិងស្ទួចរថយន្តយកទៅរក្សាទុកនៅការិយាល័យចរាចរណ៍ផ្លូវគោករាជធានីដើម្បីធ្វើការដោះស្រាយនៅពេលក្រោយ ៕
ដោយ៖ ស រស្មី
...
