ការិយាល័យនិពន្ធកាសែតនគរវត្តបានទទួលលិខិតមួយច្បាប់ពីមិត្តអ្នកអានមកពីខេត្តបាត់ដំបង ដែលបានចោទសួរថា តើសកម្មភាពនៃការដើរឃោសនាលក់បារីរបស់នារីស្អាតៗ ខុសច្បាប់ឬទេ? ពីព្រោះគេសង្កេតឃើញថា នៅឯខេត្តបាត់ដំបង នារីស្រស់ស្អាតទាំងហ្វូង ដើរផ្សព្វផ្សាយលក់បារីនៅតាមហាងកាហ្វេនានា ។
ខ្ញុំបាទសង្កេតឃើញថា នៅព្រឹកថ្ងៃទី៥ ខែឧសភា ឆ្នាំ២០១៦ ចំណុចហាងកាហ្វេមុខអធិការដ្ឋាននគរបាលស្រុកថ្មគោល ខេត្តបាត់ដំបង នារីស្រស់ស្អាតបួនប្រាំនាក់បានដើរផ្សព្វផ្សាយលក់បារីហ្វីន នៅតាមហាងកាហ្វេ ។ មិនមែនតែហាងកាហ្វេមួយកន្លែងនោះតែ ដែលមិត្តនារីដ៏ស្រស់ស្អាតនៃយើងបានដើរផ្សព្វផ្សាយចែកចាយ អូតអាងពីគុណភាពបារីហ្វីន ប៉ុន្តែមួយព្រឹក ក្រុមអ្នកផ្សព្វផ្សាយបារីហ្វីនទាំងនេះបានធ្វើសកម្មភាពពីរបីស្រុកឯណោះនៅក្នុងខេត្តបាត់ដំបង ។ តើទង្វើបែបនេះខុសនឹងច្បាប់ឬទេ ។
ប្រជាពលរដ្ឋម្នាក់
