ខេត្តស្វាយរៀង៖ យុវជនម្នាក់បានរងរបួសក្បាលធ្ងន់ធ្ងរបង្កឡើងដោយជនសង្ស័យមួយក្រុមជិះម៉ូតូដេញកាប់បង្កការភ្ញាក់ផ្អើលដល់អ្នកភូមិទាំងយប់សង្ស័យឌឺដងស្រីស្នេហ៍ដាក់គ្នា។
ហេតុការណ៍នេះបានកើតឡើងកាលពីវេលាម៉ោង៩និង៤០នាទីយប់
ថ្ងៃទី២៥ខែមិថុនាឆ្នាំ២០២២ចំណុចខាងមុខវិទ្យាល័យស្វាយរៀងខាងជើងស្ថិតក្នុងភូមិស្រះវង់ សង្កាត់ស្វាយរៀងក្រុងស្វាយរៀង។
យោងតាមសមត្ថកិច្ចនគរបាលក្រុងបានអោយដឹងថាយុវជនរងគ្រោះមានឈ្មោះអន វាសនា អាយុ១៩ឆ្នាំមុខរបរកម្មកររោងចក្ររស់នៅភូមិដូនលែប ឃុំជុបព្រីង ស្រុកស្វាយជ្រុំខេត្តស្វាយរៀង។
ចំណែកឯក្រុមជនសង្ស័យមិនត្រូវបានស្គាល់អត្តសញ្ញាណនោះទេខណ:សមត្តកិច្ចកំពុងធ្វើការស្រាវជ្រាវរកជនសង្ស័យដើម្បីចាត់ការតាមច្បាប់។
បើតាមសាក្សីបានអោយដឹងថាមុនកើតហេតុគេឃើញក្រុមជនសង្ស័យមិនស្គាល់អត្តសញ្ញាណមួយក្រុមមានគ្នារ០៦នាក់ជិះម៉ូតូ០៣គ្រឿងបានធ្វើសកម្មភាពដេញកាប់ទៅលើជនរងគ្រោះ
ចំណុចខាងមុខវិទ្យាល័យស្វាយរៀងខាងជើងបណ្តាលឱ្យរងរបួសស្រាលត្រង់ក្បាល ធ្ងន់ធ្ងរបង្កការភ្ញាក់ផ្អើលដល់អ្នកភូមិនិងរាយការណ៍មកសមត្ថកិច្ចអន្តរាគមន៍ប៉ុន្តែក្រុមជនសង្ស័យបានជិះគេចខ្លួនបាត់ស្រមោលបន្សល់តែជនរងគ្រោះនៅនឹងកន្លែង។
ក្រោយមកជនរងគ្រោះត្រូវបានសមត្ថកិច្ចដឹកយកមកសង្គ្រោះនៅមន្ទីរពេទ្យបង្អែកខេត្តស្វាយរៀង ខណៈសមត្ថកិច្ចបញ្ជាក់ថាមូលហេតុដោយសារតែឌឺដងស្រីដាក់គ្នាទើបបង្កការជាហិង្សាខាងលើកើតឡើង។
បច្ចុប្បន្នសមត្តកិច្ចកំពុងធ្វើកាស្រាវជ្រាវរកជនសង្ស័យទាំង៦នាក់ដើម្បីចាត់ការតាមផ្លូវច្បាប់៕
ដោយ៖ សុថាន
