ប្រទេសអារ៉ាប៊ី សាអ៊ូ ឌីតបានប្រកាសអនុញ្ញាតឱ្យសាសនិកអ៊ិស្លាមប្រមាណ១លាននាក់ធ្វើព្យុហយាត្រាទៅកាន់ព្រះវិហារដ៏ពិសិដ្ឋMecca ក្នុងនោះមានសាសនិកមកពីបរទេសប្រមាណ ៨៥០ពាន់នាក់ ។
សាសនិកអ៊ិស្លាមក្នុងសម្លៀកបំពាក់ពណ៌ស ចាប់ផ្តើមពិធីដង្ហែក្បួនទៅកាន់ព្រះវិហារ Mecca នៅក្នុងប្រទេសអារ៉ាប៊ី សាអ៊ូ ឌីត។នេះជាពិធីព្យុហយាត្រាទ្រង់ទ្រាយធំបំផុតចាប់តាំងពីផ្ទុះកូវីដ–១៩មក ។
កម្លាំងសន្តិសុខប្រទេសអារ៉ាប៊ី សាអ៊ូ ឌីតបានបង្កើនការយាមល្បាតការពារសន្តិសុខជូនពលរដ្ឋក្នុងទីក្រុងដ៏ពិសិដ្ឋ ដែលជាទីកន្លែងកំណត់របស់ព្រះ Mohammed។ តាមការលើកឡើងរបស់មន្ត្រីអារ៉ាប៊ីសាអូ៊ឌីត មកទល់ពេលនេះមានសាសនិកមកពីក្រៅប្រទេសជាង ៦៥០ពាន់នាក់ហើយចូលដល់ទឹកដីអារ៉ាប៊ី សាអ៊ូ ឌីត។
អ្នកដែលចូលរួមក្នុងពិធីដង្ហែក្បួនព្យុហយាត្រាលើកនេះគឺត្រូវតែចាក់វ៉ាក់សាំងរួចរាល់ ហើយអ្នកចូលរួមមានអាយុចាប់ពី៦៥ឆ្នាំចុះ នឹងត្រូវធ្វើតេស្តCPR អវិជ្ជមានកូវីដ–១៩ ក្នុងរយៈពេល៧២ម៉ោង ៕ ដោយធីរីណា
រូបថត : : AFP/TTXVN
