កសិករបារំាងរាប់រយអ្នកបានធ្វើបាតុកម្មបិទផ្លូវហៃវេ ដោយសារតែតម្លៃកសិកម្មថ្លាក់ថ្លៃ ធ្វើឲ្យកសិករប្រឈមនិងផលលំបាកយ៉ាងខ្លាំង។ បើទោះបីរដ្ឋភិបាលបានសម្រេចផ្តល់ជំនួយរហូតដល់ទៅ៦០០លានអឺរ៉ូជួយដល់កសិករ តែមិនអាចទប់កំហឹងរបស់ពលរដ្ឋបានឡើយ។
នៅថ្ងៃទី២៤ខែកក្កដាកសិករបារាំងបានសម្រេចបិទផ្លូវជាតិ ដុតកង់ឡានធ្វើបាតុកម្មប្រឆាំងនិងតម្លៃទំនិញកសិកម្មថ្លាក់ថ្លៃ ធ្វើឲ្យកសិករត្រូវខាតបង់ជាច្រើន។ កសិករបានរៀបកង់ឡានជាសញ្ញាផ្ញើរដល់ប្រធានាធិបតីបារាំងស្នើរឲ្យមានដំណោះស្រាយជួយដល់កសិករឲ្យបានសមស្របបំផុត។
ការធ្វើបាតុកម្មបែបនេះធ្វើឲ្យផ្លូវចរាចរណ៍នានាក្នុងប្រទេសបារាំងត្រូវកកស្ទះ។ កសិករបារាំងបាននាំគ្នាធ្វើបាតុកម្មរយ:ពេលជិតមួយសប្តាហ៍កន្លងមកដោយពួកគាត់បានយកម៉ាស៊ីនត្រាក់ទ័រ បន្លែផ្លែឈើចាក់ពេញផ្លូវថ្នល់សំខាន់ៗក្នុងប្រទេសបារាំង។ ម៉ាស៊ីនត្រាក់ទ័រជាង៥០០គ្រឿងត្រូវកសិករយកទៅបិទផ្លុវជាតិលេសA1 តភ្ជាប់ពីទីក្រុងប៉ារីសទៅកាន់ភាគខាងជើងបារាំង៕
