ខេត្តព្រះវិហារៈ ក្រុមអ្នកកាសែតចំនួន៩នាក់ត្រូវបានឃាត់ខ្លួនដោយសមត្ថកិច្ចនគរបាលខេត្តព្រះវិហារ យោងតាមបណ្តឹងពីជនរងគ្រោះចោទប្រកាន់ពីបទជម្រិតទារប្រាក់ កាលពីវេលាម៉ោង៩ និង០០ នាទីព្រឹកថ្ងៃទី៩ ខែឧសភា ឆ្នាំ២០១៦ នៅចំណុច ភូមិម្ជូរជ្រូក ឃុំ គូលេនជើងស្រុកគូលេន ខេត្តព្រះវិហារ។
សមត្ថកិច្ចបានអោយដឹងថាៈ ក្នុងចំណោមអ្នកកាសែតឃាត់ខ្លួនមានម្នាក់ជាមុខសញ្ញាស្រាប់ និងមានដិកាចាប់ខ្លួនផងដែរពីចៅក្រមសាលាដំបូងខេត្តកំពង់ឆ្នាំងពីបទ លួចដោយហឹង្សា និងកំហែងយក។
សមត្ថកិច្ចបានអោយដឹងថាៈ មុនដំបូងនគរបាលគ្រាន់តែហៅពួកគេមកធ្វើការអប់រំកំុអោយប្រើសកម្មភាពប្រមូលផ្តុំគ្នាដាក់កុងត្រូលជជុះ និងធ្វើកិច្ចសន្យា ហើយលែងវិញ តែរៀបនឹងលែងក៏មាន ក្រុមហ៊ុនមួយ នៅភូមិភ្ជួរជ្រូក ឃំុគូលែនជើង ស្រុកគូលែន ថាពួកគាត់ធ្លាប់ជំរិតទារប្រាក់អស់ ៣លាន១០មឺុន ហើយក៏មានអ្នករកសីុដឹកឈើក្រហមផ្សេងទៀត ពី ស្រយ៉ង់ទៅស្វាយលើសៀមរាប ពីរនាក់ ឈ្មោះ ឡេង និងឈ្មោះ ណាក់ មកប្តឹងថាក្រុមអ្នកកាសែតទាំង៩នាក់និងគំរាមយកលុយបង្ខំអោយបង់ក្នុងមួយឡានសាំយ៉ុង១០០ដុល្លារ ហើយបើបង់ខែ ៥០០ដុល្លារក្នុងមួយខែ។
សមត្ថកិច្ចបន្តថាៈ ជនសង្ស័យទាំងអស់៩នាក់ មានទាំងអ្នកកាសែតនិងអង្គការផងដែរ ចាប់នៅទីរួមស្រុកគូលែន៕
សុខ ខេមរា
