ខ្សែប្រយុទ្ធ Neymar របស់ក្រុម Paris St Germain ស៊ុតបញ្ចូលទីបាន២គ្រាប់ជាមួយកីឡាករ Lionel Messi និង Sergio Ramos រួមចំណែកម្នាក់១គ្រាប់ទៀត ខណៈដែលពួកគេបានយកឈ្នះក្នុងលទ្ធផល ៤–០ លើក្រុម Nantes ក្នុងការប្រកួត French Super Cup នៅ Bloomfield Stadium កាលពីថ្ងៃអាទិត្យ ទី៣១ ខែកក្កដា។

 នេះជាពានរង្វាន់ទី៩ក្នុងរយៈពេល១០ឆ្នាំដែលក្រុម PSG បានឈ្នះការប្រកួតបើករដូវកាលក្រោយពីជាម្ចាស់ជើងឯក Ligue 1 និងម្ចាស់ជើងឯក French Cup ដែលត្រូវបានលេងជាទៀងទាត់នៅខាងក្រៅប្រទេសក្នុងរយៈពេលមួយទសវត្សរ៍ចុងក្រោយនេះ។

 ទេពកោសល្យលំដាប់ពិភពលោករបស់ក្រុម PSG មិនបានធ្វើឲ្យប្រធានក្លិបខកចិត្តឡើយ ដោយ Messi បើកការស៊ុតបញ្ចូលទីនៅនាទីទី២២ បន្ទាប់មកគ្រាប់បាល់ទី២របស់ Neymar បានស៊ុតបញ្ចូលទីនៅនាទីទី៤៥។

 ក្រោយពី Neymar ទាត់បាល់ហ្វ្រីឃីកចូល ខ្សែការពារ Sergio Ramos ដែលចំណាយពេលភាគច្រើនក្នុងរដូវកាលមុនរបួសបន្ទាប់ពីការផ្ទេរពីក្លិប Real Madrid បន្ថែមគ្រាប់ទី៣ដោយការទាត់បាល់ពីចំងាយនៅនាទីទី៥៧។

 គ្រាប់ចុងក្រោយបានកើតឡើងនៅនាទីទី៨២បន្ទាប់ពីកីឡាករខ្សែការពារ Jean Claude Castelletto របស់ Nantes បានបង្កកំហុសហើយត្រូវបានបណ្តេញចេញ ហើយកីឡាករប្រេស៊ីល Neymar បានស៊ុតបាល់បញ្ចូលទីចូល ៕ (រូបភាព ៖Reuters/CNA)