ភ្នំពេញ ៖ប្រជាពលរដ្ឋប្រទះឃេីញសពបុរសម្នាក់ចងកសម្លាប់ខ្លួននៅក្នុងអគារបាក់បែកមួយកន្លែងក្នុងបរិវេណទីលានប្រណាំងឡានចាស់ ស្ថិតនៅក្នុងភូមិតាភេម សង្កាត់កំបូល ខណ្ឌកំបូល បង្កការភ្ញាក់ផ្អេីលនិងរាយការជូនសមត្ថកិច្ច កាលពីវេលាម៉ោង៥ព្រឹកថ្ងៃទី១១ ខែសីហា ឆ្នាំ២០២២ ។

សពជនរងគ្រោះមានឈ្មោះគង ពៅ ភេទប្រុសអាយុ 26 ឆ្នាំ ស្រុកកំណើតនៅស្រុកគងពិសីខេត្តកំពង់ស្ពឺ ។

តាមប្រភពនៅកន្លែងបានឲ្យដឹងថា មុនកើតហេតុ មានបុរសម្នាក់ដែលជាអ្នកដីនៅទីនោះ ដើរកាត់ក៏ប្រទះឃើញ ជនរងគ្រោះចងក នៅក្នុងអគារខាងលើ ស្លាប់បាត់ទៅហេីយក៏រាយការណ៏ប្រាប់មេភូមិ និងសមត្ថកិច្ច ដេីម្បីឲ្យចុះមកពិនិត្យជាក់ស្តែង។

ក្រោយពីទទួលបានព័ត៌មាន កម្លាំងសមត្ថកិច្ចមូលដ្ឋាន ជំនាញចុះទៅពិនិត្យដល់ទីតាំងខាងលើ ហុំព័ទ្ធទីតាំងកន្លែងកេីតហេតុរងចាំជំនាញមកកោសល្យវិច័្ចយ៕

ដោយ៖សុខាសែនជ័យ