ភ្នំពេញ៖ បណ្ដាញសមាគមនារីកម្ពុជា ដើម្បីសន្ដិភាព និងអភិវឌ្ឍន៍ ទូទំាងប្រទេស ជាកម្លំាងស្នូលក្នុង ការកាត់បន្ថយភាពក្រីក្រីក្នុងសង្គម នារីមានតួនាទីដ៍សំខាន់ ក្នុងការចូលរួម ចំណែកអភិវឌ្ឍន៍សង្គមគ្រួសារ និងដើម្បីបុព្វហេតុនារី និងសេចក្ដីត្រូវការចំាបាច់របស់សហគមន៍នារីនៅមូលដ្ឋាន នេះតាមការបញ្ជាក់ឲ្យដឹងពី សម្ដេចវិបុលសេនាភក្ដី សាយ ឈុំ ប្រធានព្រឹទ្ធសភា និងជាអនុប្រធានគណបក្សប្រជាជនកម្ពុជា ក្នុងឱកាសចូលរួម បើកសន្និបាតបូកសរុបការងារសមាគមនារីកម្ពុជា ដើម្បីសន្ដិភាព និងអភិវឌ្ឍន៍ កាលពីថ្ងៃទី២៥ ខែកក្ដដា ឆ្នំា២០១៥ នៅស្នាក់ការកណ្ដាលគណបក្សប្រជាជនកម្ពុជា ភ្នំពេញ ។
សម្ដេច វិបុលសេនាភក្ដី សាយ ឈុំ បានបញ្ជាក់ថា៖ ចលនានារី បានក្លាយទៅជាកម្លំាងសកម្ម និងមានសក្ដានុពល ធំធេង ក្នុងការចលនាកៀងគរកម្លំាងគាំទ្រ ធនធាន ថវិកា និងសម្ភារៈដើម្បីធ្វើសកម្មភាពបំរើ ផលប្រយោជន៍ លើកកម្ពស់ ស្ថានភាពរបស់ប្រជាពលរដ្ឋ ជាពិសេសស្ដ្រី និងកុមារ ។ សកម្មភាពរបស់ សមាគមនារីសុទ្ធតែបានចូលរួមចំណែកឆ្លើយតប ទៅនិងសេចក្ដីត្រូវការក្នុងជីវភាព រស់នៅរបស់ប្រជាពលរដ្ឋ ដោយយោងទៅតាម និងលទ្ធផលដែលនារីសម្រេចបានជានិច្ច ជាកាល នារីត្រូវបានរាជរដ្ឋាភិបាល យកចិត្តទុកដាក់ និង លើកទឹកចិត្ត ជាក់ស្តែងកន្លងមកនារីបានចូលរួម ក្នុងតួនាទី ជាអ្នកដឹកនាំគ្រប់លំដាប់ថ្នាក់ តាំងពីថ្នាក់ជាតិ រហូតដល់ថ្នាក់ក្រោមជាតិ ។ សម្តេចវិបុលសេនាភក្ដី ក៍បានកោតសសើរចំពោះកិច្ចខិតខំប្រឹងប្រែងដែលកន្លងមកសមាគមន៍នារីបាន បំរើបុព្វហេតុ រួមតែមួយ គឺនារី បានចូលរួមយ៉ាងសកម្មស្មើរ ភាពដើម្បីការពារស្ត្រី និង អភិវឌ្ឍន៍ជាតិ។ស្ត្រីជាកំលាំងជាងពាក់កណ្តាល សំរាប់ទ្រទ្រង់ភាពរឹងមាំ និង ប្រសិទ្ធភាព នៃគោលនយោបាយជាតិ នៃរាជរដ្ឋាភិបាលកម្ពុជា ដែលចាំបាច់ត្រូវតែទទួលបានការគោរពសិទ្ធិ និងផ្តល់ឳកាសបានសក្តិសម ដើម្បីមានលទ្ធភាពចូលរួមដោយសមធម៌ ក្នុងគ្រប់ដំណើរការអភិវឌ្ឍន៍ជាតិ ។
ក្នុងឱកាសនេះដែរលោកស្រី ម៉ែន សំអន បានបញ្ជាក់ថា៖ ស្ដ្រីមានតួនាទី ភារៈកិច្ចការពារសិទ្ធិ និងផលប្រយោជន៍ស្រប ច្បាប់របស់ស្ដ្រី និងកុមារ លើកកម្ពស់តួនាទី នារីនៅថ្នាក់មូលដ្ឋាន តាមរយៈ ការអប់រំនារី ឱ្យមានការប្រែប្រួលទស្សនៈ ការយល់ដឹងបង្កើន ការជឿជាក់លើខ្លួនឯង និងការធ្វើការសម្រេចចិត្ដនានា ។ ចូលរួមលើកកម្ពស់សុខមាលភាពរបស់នារី និងកុមារ ដោយផ្ដល់ការ អប់រំឧបត្ថម្ភគាំទ្រ ជាស្មារតីចំណេះដឹងជំនាញ សម្ភារៈ សមស្របទៅតាមគ្រប់មធ្យោបាយ ។ លោកស្រីបន្ដថា៖ ចាប់តំាងពីថ្ងៃ ប្រកាសជាផ្លូវការនៅថ្ងៃទី២៦ ខែកុម្ភៈ ឆ្នំា២០០៩ គណៈកម្មការ សាខាសមាគមនារីទូទាំងប្រទេស រហូតមកដល់បច្ចុប្បន្នជាលទ្ធផល បានចលនានារីឱ្យ ចូលជាសមាជិកសកម្មនៅគ្រប់បណ្ដាញអង្គភាព ស្ថាបន័នានាក្នុងជួរមន្ដី្ររាជការ និងបណ្ដាញសហគមន៍ ភូមិ សង្កាត់ ខណ្ឌ មន្ទីរ មានសមាជិកប្រមាណជាង ១៤ ៣៨៥ នាក់ហើយ ។ លោកស្រីម៉ែន សំអន បានសម្តែងបានការអបអរសាទរចំពោះការដឹកនាំដ៏ឈ្លាសវៃរបស់ថ្នាក់ដឹកនំាបណ្ដាញសមាគមនារីកម្ពុជា ដើម្បីសន្ដិភាព និងអភិវឌ្ឍន៍ទូទាំងប្រទេស ដែលបានខិតខំប្រឹងប្រែងបំពេញសកម្មភាពប្រកបដោយឆន្ទៈ គំនិតច្នៃប្រឌិត និងស្មរតីទទួលខុសត្រូវទៅ ទំាងការងាររៀបចំរចនាសម្ពន្ធ័ និងពង្រីកសមាជិកការបណ្ដុះបណ្ដាល និងការពង្រឹង សមត្ថភាព ស្ដ្រីឲ្យមានក្លាហានឡើង ដើម្បីចូលរួមក្នុងឆាកនយោបាយជាមួយរាជរដ្ឋាភិបាល ។
លោកស្រី ម៉ែន សំអន បានបន្ដទៀតថា៖ ដើម្បីអនុវត្ដរាល់ភារៈកិច្ចដែលសមាគមនារី របស់យើងទទួលបានជោគជយ័បន្ដនាឆ្នំា២០១៥នេះ បងប្អូន នារីទំាងអស់ត្រូវបន្ដសិក្សាស្វែងយល់ អំពីកម្មវិធីនយោបាយរបស់គណបក្សប្រជាជនឆ្នំា២០១៥ ដល់ឆ្នំា ២០១៦ គាំទ្រការអនុវត្ដ គោលនយោបាយចាស់សកម្ម ភាពថ្មីលើវិស័យដីធ្លី ដែលជួយដោះស្រាយទំនាស់ដីធ្លីទំាងស្រុង និងបង្កើនភាពជឿជាក់របស់ប្រជាពលរដ្ឋ និងក្កាប់បាននូវផែនការសកម្មភាពរបស់សមាគមនារី ដើម្បីបន្ដពង្រឹងការអនុវត្ដច្បាប់ ស្ដីពី ការទប់ស្កាត់អំពើហឹង្សាក្នុងគ្រួសារ និងកិច្ចការពារជនរងគ្រោះ និងច្បាប់ស្ដីពីការបង្រា្កបអំពីជួញដូរ មនុស្ស និងការធ្វើអាជីវកម្មលើផ្លូវភេទ ។ ត្រូវបន្ដសហការឱ្យល្អជាមួយសហភាពសហពន្ធ័យុវជនកម្ពុជា ត្រូវចុះមូលដ្ឋានឱ្យបានជាប់ ក្កាប់សភាពការណ៍ឲ្យបានទាន់ពេលវេលា និងជួយដោះស្រាយការលំបាក របស់ប្រជាជន ៕ ដោយ៖ សំរិត
