ភ្នំពេញ៖ តំបន់ភូមិត្រពាំងឈូក មុខពេទ្យលោកសង្ឃ ក្នុងសង្កាត់ទឹកថ្លា ខណ្ឌសែនសុខ គឺជាសំបុកជួញដូរ ចែកចាយ ប្រើប្រាស់គ្រឿងញៀនដ៏យូរមកហើយ បង្ក្រាបកាន់តែខ្លាំង បទល្មើសនេះកាន់រីកដុះដាលធំឡើង។
នារសៀលថ្ងៃទី១៣ ខែឧសភា ឆ្នាំ២០១៦ កម្លាំងសមត្ថកិច្ចនគរបាលខណ្ឌសែនសុខបានចុះបង្ក្រាបឈានដល់ការឃាត់ខ្លួនមនុស្សចំនួន១៤នាក់ ក្នុងនោះមានស្រី២នាក់ នាំយកមកអធិការនគរបាលខណ្ឌដើម្បីសាកសួរតាមនីតិវិធី។
បើទោះជាការចុះបង្ក្រាបនេះមិនបានរកឃើញនូវគ្រឿងញៀន ជាសារធាតុញៀននោះក៏ដោយ ប៉ុន្តែសមត្ថកិច្ចអះអាងថាប្រមូលបានសម្ភារសម្រាប់ប្រើប្រាស់គ្រឿងញៀនយ៉ាងច្រើនដែលពួកគេប្រើប្រាស់៕
ដោយ៖ តុង សីហា
...