ខេត្តសៀមរាប៖ បេីយោងតាមការបញ្ជាក់ពីមន្ត្រីនគរបាលស្រុកស្វាយយលើ ខេត្តសៀមរាប បានឱ្យដឹងនៅរសៀលថ្ងៃទី២៩ ខែសីហា ឆ្នាំ២០២២នេះថា៖ សត្វគោចំនួន៥ក្បាល ត្រូវរន្ទះបាញ់ងាប់ទាំងយប់។
មន្រ្តីនគរបាលស្រុក បានឱ្យដឹងទៀតថា ហេតុការណ៍គ្រោះបាតុភូតធម្មជាតិខាងលេីនេះ បានកេីតឡេីងកាលពីវេលាម៉ោង ៨និង៣០នាទីយប់ថ្ងៃទី២៨ ខែសីហា ឆ្នាំ២០២២ ស្ថិតនៅចំណុចភូមិអូររូង ឃុំតាសៀម ស្រុកស្វាយលើ ខេត្តសៀមរាប។
មន្ត្រីដដែលបន្តថា នៅម៉ោងកើតហេតុខាងលើ នៅតំបន់នោះមានភ្លៀង និងខ្យល់យ៉ាងខ្លាំង ហើយបណ្តាលឱ្យផ្គររន្ទះបាញ់មកលើរោងគោរបស់ជនរងគ្រោះខាងលើ បណ្តាលឱ្យងាប់គោទាំង៥ក្បាល នៅកន្លែងកើតហេតុតែម្តង។ ក្នុងចំណោមគោទាំង៥ក្បាលដែលងាប់នោះ រួមមាន៖ មេគោធំចំនួន២ក្បាល និងគោឈ្មោលជំទង់ចំនួន៣ក្បាល។
ចំណែកម្ចាស់គោមានឈ្មោះញឹប ព្រីង ភេទប្រុសអាយុ៥៩ឆ្នាំ រស់នៅភូមិអូររូងឃុំតាសៀមស្រុកស្វាយលើខេត្តសៀមរាប។
ក្រោយកេីតហេតុ សត្វគោទាំងអស់នោះ ត្រូវបានធ្វេីកំណត់ហេតុរួចប្រគល់ឱ្យម្ចាស់៕
ដោយ៖សហការី
