ភ្នំពេញ៖ កម្លាំងជំនាញព្រហ្មទណ្ឌ សហការជាមួយកម្លាំងប៉ុស្ដិ៍នគរបាលរដ្ឋបាលបឹងកេងកងទី២ កាលពីវេលាម៉ោង ១២ និង២០នាទីរំលងអាធ្រាត្រឈានចូលថ្ងៃទី២៩ ខែសីហា ឆ្នាំ២០២២ បានធ្វើការឃាត់ខ្លួនជនសង្ស័យម្នាក់ ពីបទ៖លួចមានស្ថានទម្ងន់ទោស(ឆក់ទូរសព្ទដៃ) នៅចំណុចមុខផ្ទះលេខ២០២ផ្លូវ៣១០ ភូមិ ៥ក្រុម៣៩ សង្កាត់បឹងកេងកងទី២ ខណ្ឌបឹងកេងកង រាជធានីភ្នំពេញ។
ជនសង្ស័យម្នាក់ឈ្មោះ ប៉ូ ពេជ្រហៅអាពេជ្រ ភេទប្រុស អាយុ២២ឆ្នាំ ជនជាតិខ្មែរ ទីលំនៅបច្ចុប្បន្នផ្ទះជួលគ្មានលេខ ផ្លូវលំ សង្កាត់ចាក់អង្រែលើ ខណ្ឌមានជ័យ រាជធានីភ្នំពេញ មុខរបរមិនពិតប្រាកដ (មានសារធាតុញៀន) ។ ចំណែកវត្ថុតាងចាប់យក៖
-ម៉ូតូ០១គ្រឿងម៉ាក Nexសេរីឆ្នាំ 2017ពណ៍ស -ពាក់ស្លាកលេខ ភ្នំពេញ 1FL-9003 លេខតួនឹងលេខម៉ាស៊ីនAE52-315752 (ជារបស់ជនសង្ស័យ) ។
យោងតាមប្រភពព័ត៌មានពីលោកវរសេនីយ៍ឯក ស៉ឹម ពិសិដ្ឋ អធិការនគរបាលខណ្ឌបឹងកេងកង បានឱ្យដឹងថា ដំណើររឿងហេតុ៖នៅថ្ងៃទី២៩ខែសីហាឆ្នាំ២០២២ វេលាប្រហែលម៉ោង១១និង៣០នាទី ជនសង្ស័យខាងលើជិះម៉ូតូ០១គ្រឿងម៉ាក Nexសេរីឆ្នាំ 2017ពណ៍ស ពាក់ស្លាកលេខ ភ្នំពេញ 1FL-9003 តែម្នាក់ឯងចេញពីផ្ទះជួលនៅម្ដុំសង្កាត់ចាក់អង្រែលើ ខណ្ឌមានជ័យគោលបំណងជិះម៉ូតូធ្វើសកម្មភាពឆក់តាមដងផ្លូវ។
លុះជនសង្ស័យជិះម៉ូតូមកដល់ចំនុចមុខផ្ទះលេខ២០២ផ្លូវលេខ ៣១០ ភូមិ៥ក្រុម៣៩ សង្កាត់បឹងកេងកងទី២ ខណ្ឌបឹងកេងកង (កន្លែងកើតហេតុ) ក៏បានឃើញជនរងគ្រោះកំពុងចុចទូរស័ព្ទដៃក្នុងផាសអាប់ជិះស្របទិសនឹងគ្នាហើយជនសង្ស័យក៏ជិះម៉ូតូទៅអែបខាងស្ដាំដៃនឹងផាសអាប់ធ្វើសកម្មភាពឆក់ទូរសព្ទដៃ របស់ជនរងគ្រោះ បានសម្រេចក៏ជិៈគេចបានប្រហែល២០ម៉ែត្រក៏អកស័រនឹងម៉ូតូគេធ្វើដំណើរតាមដងផ្លូវបណ្ដាលអោយដួល ស្របពេលនោះសមត្ថកិច្ចមូលដ្ឋានយើងល្បាតទៅដល់ធ្វើការឃាត់ខ្លួនជនសង្ស័យ០១នាក់ រួមនឹងវត្ថុតាង យកមកសាកសួរនៅប៉ុស្ដិ៍នគរបាលរដ្ឋបាលបឹងកេងកងទី២តែម្ដង។
បច្ចុប្បន្នជនសង្ស័យ រួមនិងវត្ថុតាង បានឃាត់ខ្លួន នៅអធិការដ្ឋាននគរអាស្រ័យហេតុបាលខណ្ឌបឹងកេងកង បណ្ដោះអាសន្ន ដើម្បីកសាងសំណុំរឿងបញ្ជូនទៅសាលាដំបូងរាជធានីភ្នំពេញចាត់ការតាមនីតិវីធីច្បាប់៕
ដោយ៖ជីណា
