ខេត្តសៀមរាប៖ លោកឧបនាយករដ្ឋមន្ត្រី ជា សុផារ៉ា រដ្ឋមន្ត្រីក្រសួងរៀបចំដែនដីនគរូបនីយកម្ម និងសំណង់ បានថ្លែងនៅលេីបណ្ដាញសង្គមហ្វេសប៊ុកផ្ទាល់ខ្លួននៅព្រឹកថ្ងៃទី៣០ ខែសីហា ឆ្នាំ២០២២នេះថា៖ គិតត្រឹមថ្ងៃទី២៩ ខែសីហាម្សិលមិញនេះ ការអនុវត្តយុទ្ធនាការចុះវាស់វែង កំណត់និយាមកាក្បាលដីនិងអត្តសញ្ញាណអ្នកកាន់កាប់ដីនិងសំណង់ខុសច្បាប់ក្នុងតំបន់រមណីយដ្ឋានអង្គរនិងតំបន់ដទៃទៀតស្ថិតក្រោមការគ្រប់គ្រងរបស់អាជ្ញាធរជាតិអប្សរា ទទួលបានលទ្ធផលដូចខាងក្រោម៖
១.វាស់វែងក្បាលដីនៅភូមិចំនួន ៧៩ ភូមិ នៃភូមិគោលដៅចំនួន ១១៤,២.រៀបចំដីឡូត៍ សម្រេចបានទំហំ ១១១,១០ ហិកតា
៣. ផ្លូវក្រួសក្រហម សម្រេចបានប្រវែង ៣ ២៣០ ម៉ែត្រ ស្មើ ១៩,១៣ភាគរយនិង៤. បោះបង្គោលព្រំដីឡូត៍នៅភូមិធម្មជាតិ រុនតាឯកបានចំនួន ៨១៩ ឡូត៍។
ប្រភពដដែលបន្តថា ដោយឡែកវឌ្ឍនភាពនៃការស្ថាបនាផ្លូវនៅតំបន់អភិវឌ្ឍន៍ភូមិធម្មជាតិរុនតាឯកអនុវត្តដោយកងវិស្វកម្ម តេជោហ៊ុនសែនសៀមរាបសម្រាប់ថ្ងៃទី២៩ខែសីហាវិញសម្រេចបានក្នុងនោះការងារចាក់ដីក្រួក្រហមសម្រាប់ធ្វើផ្លូវចែកជាពីរតំបន់÷១.តំបន់ទី១ មានប្រវែងសរុប ៥៣៥២ម៉ែត្រ សម្រេចបាន ១៣២០ម៉ែត្រ គិតភាគរយបាន ២៤.៦៦ភាគរយនិង
២-តំបន់ទី២ មានប្រវែងសរុប ១១ ៥៣៥ម៉ែត្រ សម្រេចបាន ១ ៩១០ម៉ែត្រ គិតជាភាគរយ ១៦.៥៥ភាគរយ។
ចំណែកការសាងសង់ផ្លូវសរុបសម្រេចបានក្នុងថ្ងៃនេះគឺ៣៨០ ម៉ែត្រ សរុបពីពេលចាប់ផ្តើមបាន ១៤ ខ្សែ ប្រវែង ៣ ២៣០ម៉ែត្រ។ ការងារសម្អាតព្រៃអនុវត្តដោយកងកំលាំងក្រសួងបរិស្ថាន បាន៦០ហិកតា និង អាជ្ញាធរអប្សរា សម្រេចបានសរុប ៥១,១ហិកតា សរុបបាន ១១១,១ហិកតា។
គួរបញ្ជាក់ដែរថា កាលថ្ងៃទី២៨ ខែសីហា ឆ្នាំ២០២២ថ្មីៗនេះ ការរៀបចំដីឡូត៍នៅតំបន់អភិវឌ្ឍរុនតាឯកសម្រាប់ប្រជាពលរដ្ឋដែលស្ម័គ្រចិត្តរុះរើសំណង់ខុសច្បាប់ មកតាំងទីលំនៅថ្មី អនុវត្តដោយក្រុមការងាររបស់ក្រសួងបរិស្ថាន និងអាជ្ញាធរជាតិអប្សរាបានទំហំ ៩៥ ហិកតា។ ដោយឡែកការស្ថាបនាផ្លូវគ្រួសក្រហមដោយកងវិស្វកម្មតេជោ ហ៊ុន សែនសៀមរាប ក្នុងតំបន់ទី១និងតំបន់ទី២ក្នុង ភូមិធម្មជាតិរុនតាឯក សម្រេចបានប្រវែង ២ ៨៥០ម៉ែត្រ ស្មើ១៦,៨៧ភាគរយ នៃប្រវែងផ្លូវដែលត្រូវស្ថាបនាសរុប ១៦ ៨៨៧ ម៉ែត្រ៕ដោយ៖សហការី
