ខេត្តកំពង់ស្ពឺ៖ ស្ត្រីជាម្តាយនិងកូនប្រុសព្រមទាំងបក្ខពួកត្រូវបានកម្លាំងកងរាជឣាវុធហត្ថស្រុកសំរោងទងធ្វើការបង្ក្រាបកាលពីវេលាម៉ោង១និង៣៥នាទីរសៀលថ្ងៃទី១៧ ខែឧសភា ឆ្នាំ២០១៦ នៅចំណុចភូមិរំដួល ឃុំត្រពាំងគង ស្រុកសំរោងទង ខេត្តកំពង់ស្ពឺ។

ប្រភពពីអាវុធហត្ថឲ្យដឹងថា ការបង្ក្រាបការចែកចាយគ្រឿងញៀនខាងលើនេះឃាត់ខ្លួនបានជនសង្ស័យចំនួន ៣នាក់ ទី១-ឈ្មោះ ផាត ហ៊ាប ភេទស្រី អាយុ៤៧ឆ្នាំ រស់នៅភូមិរំដួល ឃុំត្រពាំងគង ស្រុកសំរោងទង(ម្ចាស់ផ្ទះ) ទី២-ឈ្មោះ ជិន ជន ភេទប្រុស អាយុ២៦ឆ្នាំ ជាកូន រស់នៅជាមួយគ្នា ទី៣-ឈ្មោះ មឿន រី ភេទប្រុស អាយុ៣៣ឆ្នាំ មានស្រុកកំណើតនៅភូមិសំពៅលូន ឃុំសំពៅលូន ស្រុកស្អាង ខេត្តកណ្តាល មកស្នាក់នៅផ្ទះឈ្មោះ ផាត ហ៊ាប ភូមិរំដួល ឃុំត្រពាំគង។

ក្នុងការចុះបង្ក្រាបនេះកម្លាំងអាវុធហត្ថចាប់យកវត្ថុតាងមួយចំនួនមានដូចជា ថ្នាំញៀន១១កញ្ចប់ (ធំ១កញ្ចប់,មធ្យម៧កញ្ចប់, តូច៣កញ្ចប់ ), ទូរស័ព្ធអិនចុចពិល៤គ្រឿង, លុយ ៧០,០០០រៀល, ថង់ច្រកថ្នាំមួយចំនួន។

បច្ចុប្បន្នជនសង្ស័យទាំង៣នាក់បានបញ្ជូនទៅកងរាជអាវុធហត្ថខេត្តកំពង់ស្ពឺដើម្បីចាត់ការតាមនីតិវិធី៕

ដោយ៖ សេនាស័ក្តិ