ភ្នំពេញ៖ ជនសង្ស័យ៤នាក់រួមនិងថ្នាំញៀនចំនួន១១កញ្ចប់ ត្រូវបានកម្លាំងនគរបាលប៉ុស្តិ៍ស្រះចកឃាត់ខ្លួនជាបន្តបន្ទាប់ ក្នុងករណី២ផ្សេងគ្នា ក្នុងមូលដ្ឋានរបស់ខ្លួនដោយករណីទី១ នៅវេលាម៉ោ៤ និង៣០នាទីរសៀលថ្ងៃ១៧ ខែឧសភា ឆ្នាំ២០១៦ ឃាត់ខ្លួន
ជនសង្ស័យម្នាក់ឈ្មោះបិុច សុខជា អាយុ២៩ឆ្នាំ មុខរបរមិនពិតប្រាកដ ស្នាក់នៅផ្ទះជួល ភូមិ២២ ផ្លូវ៨៦ សង្កាត់ស្រះចក ខណ្ឌដូនពេញ ចាប់យកថ្នាំញៀនប្រភេទក្រាមពណ៌ស មួយកញ្ចប់តូច តម្លៃ១០មុឺនរៀល ម៉ូតូមួយគ្រឿងម៉ាកហុងដាឌ្រីម សេ១២៥ ពណ៌ខ្មៅស៊េរី២០១៣ និងទូរស័ព្ទដៃចំនួន២គ្រឿង ។
ដោយឡែកករណីទី២ នៅវេលម៉ោង៦ល្ងាចថៃ្ងទី១៧ ខែឧសភា ឆ្នាំ២០១៦ កម្លាំងប៉ុស្តិ៍នគរបាលរដ្ឋបាលស្រះចកបានធ្វើការស្រាវជ្រាវរហូតឈានទៅដល់ ឃាត់ខ្លួនជនសង្ស័យ៣នាក់ ពីបទជួញដូរនិងប្រើប្រាស់នូវសារធាតុញៀនដោយខុសច្បាប់ នៅចំណុចមុខផ្ទះលេខ4CEoផ្លូវ 47 ភូមិ12សង្កាត់ស្រះចក ខណ្ឌដូនពេញ រាជធានីភ្នំពេញ ។
តាមប្រភពព័ត៌មានពីមន្រ្តីនគរបាលមូលដ្ឋានបានឲ្យដឹងថា ជនសង្ស័យដែលត្រូវឃាត់ខ្លួនឈ្មោះ ទី១-ឈ្មោះអឹង វុទ្ធា ភេទប្រុស អាយុ២៣ ឆ្នាំ ជនជាតិខែ្មរ មុខរបរសិស្សថ្នាក់ទី ១២ថ្មី ស្នាក់នៅផ្ទះជួល ផ្លូវ ៩០ភូមិ១១ សង្កាត់ស្រះចក ខណ្ឌដូនពេញ (ជាអ្នកប្រើប្រាស់ឃាត់ខ្លួន) ។ ទី២-ឈ្មោះចាវ ចាន់ថា ភេទប្រុស អាយុ ១៨ឆ្នាំ មុខរបរលក់ដូរ ស្នា ក់នៅផ្ទះជួល ផ្លូវ៨៦ភូមិ២២ សង្កាត់ស្រះចក ខណ្ឌដូនពេញ (ជាអ្នកប្រើប្រាស់ឃាត់ខ្លួន)។ ទី៣-ឈ្មោះផាត សុម៉ារ៉ា ភេទប្រុស អាយុ២៦ឆ្នាំ មុខរបរលក់ដូរ ស្នាក់នៅផ្ទះជួល ផ្លូវ៤៧ ភូមិ១៤ សង្កាត់ស្រះចក ខណ្ឌដូនពេញ រាជធានីភ្នំពេ ញ (ជាអ្នកជួញដូរឃាត់ខ្លួន) ។
វត្តុតាងចាប់យកមាន៖ -គ្រឿងញៀនប្រភេទក្រាមពណ៍សថ្លាចំនួន១០កញ្ចប់តូច -ដបមានចោះគំរបសំរាប់សូកដាក់ទុយយោទុកជក់គ្រឿងញៀនចំនួន២ -ដែកកេះហ្គាសចំនួន២ -កាបូបស្បែកពណ៍ខ្មៅចំនួន១ -លុយខ្មែរចំនួន៥០.០០០រៀល (ប្រាំម៉ឺនរៀល)។
បច្ចុប្បន្នជនសង្ស័យទាំង៤នាក់កំពុងឃាត់ខ្លួន បណ្ដោះអាសន្ននៅអធិការដ្ឋាននគរបាលខណ្ឌដូនពេញ ដើម្បីកសាងសំណុំរឿងចាត់តាមនីតីវិធី ៕
ដោយ៖ ស ដារ៉ា
