កំណើនសេដ្ឋកិច្ចថៃនៅតែងើបឡើង វិញនៅក្នុងត្រីមាសទី១នៃឆ្នាំនេះដដែល ហើយអ្វីដែលគួរឲ្យភ្ញាក់ផ្អើលនោះគឺវាកើនឡើងជាងត្រីមាសមុនបើទោះបីជាមានការធ្លាក់ចុះនៃការនាំចេញក៏ដោយ។
GDP នៅក្នុងត្រីមាសទី១នៃឆ្នាំនេះបាន កើនឡើងដល់៣,២ភាគរយខ្ពស់ជាងគេបំផុតនៅក្នុងរយៈពេល៣ឆ្នាំចុងក្រោយនេះ។
សេដ្ឋកិច្ចប្រទេសថៃកើនឡើង០,៩ភាគ រយនៅក្នុងត្រីមាសទី១ដោយសារតែការជំរុញនៃការចំណាយជាសាធារណៈនិងទេសចរណ៍ជាដើម។
ការប្រើប្រាស់ឯកជនបានកើនឡើង ២,៣ភាគរយ ខណៈដែលការប្រើប្រាស់សាធារណៈកើនឡើង៨ភាគរយបើធៀប នឹងត្រីមាសទី៤ ដែលមានចំនួនតែ៤,៨ភាគរយ។
លោកស្រី Pornpen Sodsrichai នាយក ការិយាល័យម៉ាក្រូហិរញ្ញវត្ថុរបស់ធានាគារថៃបានឱ្យដឹងថា កំណើនសេដ្ឋកិច្ចក្នុងត្រីមាសទី១មានចំនួន៣,២ភាគរយ ពោលគឺជិតស្មើនឹងការព្យាកររបស់ធនាគារថៃ។
លោកស្រីបានបន្ថែមទៀតថា ការកើនឡើងនេះគឺដោយសារតែការជំរុញដោយសេវាកម្ម ជាពិសេសកំណើនទេសចរណ៍ និងការកើនឡើងនៃចំណាយសាធារណៈ។
នៅក្នុងត្រីមាសទី១នៃឆ្នាំ២០១៦នេះ ការនាំចេញរបស់ថៃបានបន្តធ្លាក់ចុះកាលពីឆ្នាំមុនពោលគឺធ្លាក់ចុះ១,៤ភាគរយ។ បើ ទោះបីជាកំណើនសេដ្ឋកិច្ចកើនឡើង១,១ភាគរយបើគិតពីគុណភាពក៏ដោយក៏តម្លៃនៃការនាំចេញធ្លាក់ចុះ២,៤ភាគរយដែរ។
គណៈកម្មការអភិវឌ្ឍន៍សង្គមនិងសេដ្ឋកិច្ចជាតិ (National Economic and Social Development Board –NESDB) បានប៉ាន់ស្មានថា កំណើនGDPក្នុងឆ្នាំនេះនឹងកើនឡើងពី២,៨ទៅ៣,៨ភាគរយ ខណៈដែលការនាំចេញរបស់ថៃនឹងក្នុងឆ្នាំនេះនឹងធ្លាក់ចុះ១,៧ភាគរយ ៕
ដោយ៖ រ័ត្ន
