ខេត្តស្វាយរៀង: សមត្ថកិច្ចនគរបាលឃាត់ខ្លួនជនសង្ស័យម្នាក់ពាក់ពន្ធ័ករណីធ្វើឲ្យខូចខាតដោយចេតនា
ខណះខឹងយាយបង្កើតធ្វើអោយបាត់សំបុត្រកំណើតទាញយកកណ្ដៀវ ច្រូតស្មៅ កាប់បំផ្លាញម៉ូតូមួយគ្រឿង ខូចខាតទាំងស្រុង។

ហេតុការណ៍នេះបានកើតឡើងកាលពីវេលាម៉ោង១២និង១០នាទីរសៀលថ្ងៃទី២៨ខែកញ្ញាឆ្នាំ២០២២ នៅចំណុចភូមិព្រៃតាធឹក ឃុំគគីសោម ស្រុកស្វាយទាប ខេត្តស្វាយរៀង។

សមត្ថកិច្ចនគរបាលស្រុកបានអោយដឹងថាជនសង្ស័យមានឈ្មោះសក់ ផាន្នី អាយុ២៣ឆ្នាំមុខរបរ មិនពិតប្រាកដ មានទីលំនៅភូមិ ឃុំកើតហេតុ ខាងលើ។

ចំណែកលោកយាយបង្កើតមានឈ្មោះទេព សំអាត ភេទស្រី អាយុ៦៣ឆ្នាំ មុខរបរកសិករ មានទីលំនៅភូមិនៅចំណុចភូមិព្រៃតាធឹក ឃុំគគីសោម ស្រុកស្វាយទាប ខេត្តស្វាយរៀង។

ចំណែកម៉ូតូម៉ាកហុងដាC១២៥ពណ៌ខ្មៅ  រងការខូចខាតបែកចង្កៀង និងកាបាំងខាងឆ្វេង ជាកម្មសិទ្ធ
របស់លោកយាយទេព សំអាត។

ប្រភពបន្តថាមុនកើតហេតុគេឃើញជនសង្ស័យបានសួរលោកយាយពីសំបុត្រកំណើតរបស់ខ្លួនបាត់ទៅណារកមិនឃើញសោះក្រោយមកលោកយាយឆ្លើយថារកមិនឃើញទេមិនដឹងច្រលំដៃទុកនៅកន្លែងណាទេ។
បន្ទាប់មកស្រាប់តែចៅចិត្តឆៅខឹងយ៉ាងខ្លាំងក៏ស្ទុះទៅទាញយកកណ្ដៀវ ច្រូតស្មៅ មកកាប់បំផ្លាញម៉ូតូមួយគ្រឿង របស់លោកយាយបណ្ដាលខូចខាតទើបបង្កការភ្ញាក់ផ្អើលដល់អ្នកភូមិនិងរាយការណ៏មកសមត្ថកិច្ចមូលដ្ឋានតែម្ដង។

បច្ចុប្បន្ន ជនសង្ស័យត្រូវសមត្ថកិច្ចប៉ុស្តិ៍រដ្ឋបាលឃុំគគីសោមបញ្ជូនមកអធិការដ្ឋាននគរបាលស្រុកស្វាយទាប ដើម្បីចាត់ការបន្តតាមច្បាប់៕

ដោយ៖ សុថាន