ខេត្យបាត់ដំបង៖ កាលពីថ្ងៃ សៅរ៍ ៦កេីត ខែអស្សុជឆ្នាំខាល សត្វាស័ក ព.ស.២៥៦៦ត្រូវនិងថ្ងៃទី០១ ខែតុលាឆ្នាំ២០២២ វេលាម៉ោង១៥និង២០នាទី នៅចំណុចក្រុមទី០១ ភូមិ ហៃសាន ឃុំជ្រៃស្រុកថ្មគោល ខេត្តបាត់ដំបង អនុវត្តយោបល់ដឹកនាំរបស់លោកឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង រួមនឹងយោបល់លោកឧត្តមសេនីយ៍ត្រី កុយ ហៀង ស្នងការរងផែនការងារប្រឆាំងគ្រឿងញៀន លោកវរសេនីយ៍ទោ សេង លុច អធិការនគរបាលស្រុកថ្មគោល បានដឹកនាំកម្លាំងផ្នែកប្រឆាំងគ្រឿងញៀន រួមជាមួយកម្លាំងប៉ុស្តិនគរបាលរដ្ឋបាល ជ្រៃ នៃអធិការដ្ឋាននគរបាល ស្រុកថ្មគោល បានចុះបង្រ្កាបករណីរក្សាទុកដោយខុសច្បាប់ នូវសារធាតុញៀន០១ករណីក្នុងបទល្មើសជាក់ស្តែង និងបានឃាត់ខ្លួនជនសង្ស័យចំនួន០១នាក់គឺ៖
១-ឈ្មោះ យៀត មករាភេទប្រុសអាយុ២១ឆ្នាំភូមិ ហៃសាន ឃុំជ្រៃស្រុកថ្មគោល ខេត្តបាត់ដំបង។
-*វត្ថុតាងចាប់យកបានរួមមាន៖
១-ម្សៅ ក្រាមពណ៌សថ្លា ច្រកក្នុងថង់ ប្លាស្ទិកពណ៌សថ្លាចំនួន០៤ថង់ទំងន់៥៩,០៤ក្រាម(ទាំងសំបក) សង្ស័យមានសារធាតុញៀន
២-ទូរស័ព្ទដៃចំនួន០១គ្រឿង។
បន្ទាប់ពីបានឃាត់ខ្លួនជនសង្ស័យសមត្ថកិច្ចជំនាញក៏បានកសាងសំណុំរឿងបញ្ជូនមកការិយាល័យជំនាញ ចាត់ការបន្តតាមនីតិវិធីច្បាប់៕
ដោយ៖ ស សារ៉េត
