ភ្នំពេញ៖ មានហេតុការណ៍គ្រោះថ្នាក់ចរាចរណ៍បានកើតឡើងកាលពីវេលាម៉ោង៩ និង២៥នាទីព្រឹកថ្ងៃទី២១ ខែឧសភា ឆ្នាំ២០១៦ លើកំណាត់ផ្លូវវេងស្រេង ចំណុចស្តុបផ្លូវចូលទួលពង្រ ស្ថិតក្នុងភូមិត្រពាំងថ្លឹង សង្កាត់ចោមចៅ ខណ្ឌពោធិ៍សែនជ័យ បង្កឡើងដោយរថយន្តកុងតឺន័រមានតែក្បាលអត់កន្ទុយបានបុកទៅលើអ្នកជិះម៉ូតូ៣នាក់ម៉ែនិងកូនបណ្តាលឲ្យខ្ទេចម៉ូតូ ចំណែកឯជនរងគ្រោះបានគេចផុតពីគ្រោះថ្នាក់ខាងលើនេះ។

ក្រោយពេលកើតហេតុអ្នកបើកបររថយន្តកុងតឺន័រ ពាក់ស្លាកលេខ3C-3310 ក៏បានរត់គេចខ្លួនហើយសមត្ថកិច្ចមូលដ្ឋានបានមកចុះធ្វើការវាស់វែង ដើម្បីយករថយន្តនិងម៉ូតូទៅរក្សាទុកធ្វើការដោះស្រាយគ្នាជាក្រោយតាមផ្លូវច្បាប់៕

ដោយ៖ សុខាសែនជ័យ