ខេត្តឧត្ដរមានជ័យ៖ អាជ្ញាធររដ្ឋាភិបាលបាននិងកំពុងខិតខំទឹកភ្នែកឫសគល់ការជូនដូរមនុស្សនៅក្នុងប្រទេសជាក់ស្ដែងប្រតិបត្តិការនៅតាមបណ្ដាការស៊ីណូតាមព្រំដែនប្រទេសជិតខាងបាននិងកំពុងការស៊ើបបង្កើតគ្រប់រូបភាពដើម្បីធានាបានថា កម្ពុជាមិនមែនជាទីកន្លែងសម្រាប់ការជួញដូរមនុស្សមនុស្សឡើយ។
ជាក់ស្តែងអាជ្ញាធរខេត្តឧត្តរមានជ័យសហការជាមួយស្ថាប័នជំនាញបានធ្វើប្រតិបត្ដិការជួយសង្គ្រោះជន បរទេសចម្រុះជាតិសាសន៍ ចំនួន៧៥នាក់ ចេញពីតំបន់ការស៊ីណូអូរស្មាច់ ក្នុងខេត្ដឧត្ដរមានជ័យ ដែលគេសង្ស័យថា ពួកគេ ត្រូវបានធ្វើការជួញដូរមកពីក្រៅប្រទេស តាមការអូសទាញពីមេខ្សល់ និងទំនាក់ទំនងគ្នាតាមអនឡាញ ក្រោមរូបភាពតម្លៃការងារខ្ពស់នៅកម្ពុជា។
លោកស្រី ជូ ប៊ុនអេងរដ្ឋលេខាធិការក្រសួងមហាផ្ទៃ និង ជាអនុប្រធានអចិន្ដ្រៃយ៍គណៈកម្មាធិការជាតិប្រយុទ្ធប្រឆាំងអំពើរជួញដូរមនុស្ស បានឲ្យដឹងថា ជនបរទេសចំនួន៧៥នាក់ ត្រូវបានអាជ្ញាធរធ្វើប្រតិបត្ដិការរកឃើញ នៅអូរស្មាច់ កាលពីថ្ងៃទី១៥ ខែតុលា នេះ ដែលជនរង គ្រោះទាំង នោះ ត្រូវបានអូសទាញមកពីប្រទេសវៀតណាម,ចិន,ឥណ្ឌា,ម៉ាឡេស៊ី និងឥណ្ឌូនេស៊ី ដើម្បីធ្វើការងារ នៅកាស៊ីណូអូរស្មាច់។ ជនរងគ្រោះទាំងអស់ បច្ចុប្បន្ន កំពុងត្រូវបានដាក់ឱ្យស្នាក់នៅបណ្ដោះអាសន្ន នៅខេត្ដសៀមរាប ខណៈអ្នកជំនាញកំពុងស៊ើបអង្កេតរកជនល្មើស។
លោកស្រីបានបញ្ជាក់ថា ប្រតិបត្ដិការនេះ ជនរងគ្រោះ បានដាក់បណ្ដឹងចូលផេកសម្ដេចក្រឡា ហោម ស ខេង ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ។
លោកស្រីរដ្ឋលេខាធិការបានបន្ថែមថា កម្ពុជាមិនមែនជាទីកន្លែងជួញដូរមនុស្សទេ ហើយបើសិនជារកឃើញថាមានការជួញដូរមនុស្សនៅកម្ពុជា កម្ពុជាមិនអត់ឱនឱ្យជាដាច់ខាត៕
ដោយ៖ សូរិយា
