ខេត្តព្រះសីហនុ៖ បងប្អូនប្រជាពលរដ្ឋដែលចូលចិត្តលក្ខណៈដេីរកម្សាន្តតាមរមណីដ្ឋានបែបប្រវត្តិសាស្ត្រ តេីលោកអ្នកចង់ស្គាល់អត់ថា កន្លែងកម្សាន្តថ្មីនេះ ស្ថិតនៅទីតាំង ស្រុក-ខេត្តណា តោះមកស្គាល់ទាំងអស់គ្នា។
ជាក់ស្ដែងយោងតាមប្រភពព័ត៌មានពីក្រសួងបរិស្ថាន នៅព្រឹកថ្ងៃសៅរ៍ទី២២ ខែតុលា ឆ្នាំ២០២២នេះ បានឱ្យដឹងថា រមណីយដ្ឋានខាងលេីនេះ មានឈ្មោះ រមណីយដ្ឋានប្រាសាទបន្ទាយទ័ព ស្ថិតនៅ ភូមិអូតាប៉ាង ឃុំអូឧកញ៉ាហេង ស្រុកព្រៃនប់ ខេត្តព្រះសីហនុ ។
រមណីយដ្ឋានប្រាសាទទ័ព ជារមណីដ្ឋានឆ្នៃប្រឌិតបែបប្រវត្តិសាស្ត្រ ដែលមានទេសភាពស្អាត រួមផ្សំជាមួយខ្យល់អាកាសបរិសុទ្ធ និងមានទឹកធ្លាក់ធម្មជាតិ អ្វីដែលពិសេស បំផុតនោះគឺមានរូបចម្លាក់ស្អាតៗ។
សូមជម្រាបជូនថា រមណីយដ្ឋាននេះ ស្ថិតនៅចន្លោះគីឡូម៉ែត្រលេខ ១៩២ និង១៩៣ ចូលតាមច្រកភូមិអូតាប៉ាង ឃុំអូឧកញ៉ាហេង ស្រុកព្រៃនប់ ដែលមានចម្ងាយ៥.៥ គីឡូម៉ែត្រ ដល់រមណីដ្ឋានមួយនេះ៕
ដោយ៖ស តារា
