ភ្នំពេញ៖ បុរសជនជាតិចិនម្នាក់បេីករថយន្តក្នុងល្បឿនលឿន វ៉ាជែកបុករះម៉ូតូពីរគ្រឿងបណ្តាលឲ្យ បុរសម្នាក់បានរងរបួសធ្ងន់ត្រូវបានបញ្ជូនទៅសង្គ្រោះនៅមន្ទីរពេទ្យភ្លាមៗនិង២នាក់ទៀតរងរបួសស្រាល។
ហេតុការណ៍នេះបានកេីតឡេីកាលពីកាលពីវេលាម៉ោង៩និង៣០នាទីព្រឹកថ្ងៃទី២៩ ខែតុលា ឆ្នាំ២០២២ នៅតាមបណ្ដោយមហាវិថីឈ្នះឈ្នះ ត្រង់ចំណុចក្រោមស្ពាន ស្ពានអាកាសផ្លូវល្បឿនលឿនស្ថិតក្នុងសង្កាត់សំរោងក្រោមខណ្ឌពោធិ៍សែនជ័យរាជធានីភ្នំពេញ ។
រថយន្តបង្កម៉ាកហាយឡែនឌ័រ ពណ៌ក្រហម ពាក់ស្លាកលេខភ្នំពេញ2AN 9863 ។ ចំណែកម៉ូតូរងគ្រោះ ទី១ ម៉ាកហុងដាឌ្រីម ស៊េរីឆ្នាំ០៨ ពណ៌ខ្មៅ ពាក់ស្លាកលេខបាត់ដំបង1C 2698 ជិះគ្នា២នាក់។ ទី២ម៉ាកហុងដាឌ្រីម ស៊េរីឆ្នាំ០១៩ ពណ៌ខ្មៅ ពាក់ស្លាកលេខព្រៃវែង1N 9980 បេីកបរដោយបុរសម្នាក់។
បើតាមប្រភពព័ត៌មានពីកន្លែងកើតហេតុបានឲ្យដឹងថានៅមុនពេលកើតហេតុគេបានឃើញម៉ូតូពីរគ្រឿងធ្វើដំណើរតាមបណ្ដោយមហាវិថីឈ្នះឈ្នះក្នុងទិសដៅពីត្បូងមកជើងស្របគ្នា ខណៈមកដល់ចំណុចកើតហេតុស្រាប់តែមានបុរសជនជាតិចិនម្នាក់បើករថយន្តហាយឡែនឌ័រក្នុងល្បឿនលឿនវ៉ាជែងមកពីក្រោយក៏ជុកទៅបុករះម៉ូតូទាំងពីរគ្រឿងធ្វេីឲ្យម៉ូតូហុងដា០១៩ខ្ទាតទៅប៉ះជាមួយនឹងបង្កាន់ដៃដែកបណ្ដាលឲ្យដាច់សសៃជេីងរងរបួសធ្ងន់ ចំណែកម៉ូតូមួយគ្រឿងទៀតគាប់ជាប់និងរថយន្តអូសជាង១០ម៉ែត្រចំណែកមនុស្សខ្ទាតចេញរងរបួសស្រាល។
ក្រោយកើតហេតុជនរងគ្រោះត្រូវបានបញ្ជូនទៅសង្គ្រោះនៅមន្ទីរពេទ្យភ្លាមភ្លាមចំណែក រថយន្តនិងម៉ូតូរួមទាំងតៃកុងរថយន្តត្រូវបានសមត្ថកិច្ចធ្វើការឃាត់ខ្លួនយកទៅអធិការនគរបាលខណ្ឌពោធិ៍សែនជ័យដេីម្បីរងចាំការដោះស្រាយនៅពេលក្រោយ៕
ដោយ៖សុខាសែនជ័យ
