ភ្នំពេញ៖ បុរសម្នាក់បានស្លាប់ភ្លាមៗនៅកន្លែងកេីតហេតុបន្ទាប់ពីជិះម៉ូតូលឿនមិនប្រយ័ត្នជ្រុលបុករថយន្តកូរ៉េពីក្រោយខណៈកំពុងបត់ឆ្លងផ្លូវ កាលពីវេលាម៉ោង២និង៥០នាទី រសៀលថ្ងៃទី៣១ ខែតុលា ឆ្នាំ២០២២ នៅតាមបណ្តោយមហាវិថីឈ្នះឈ្នះ ស្ថិតក្នុងភូមិត្រពាំងធ្នង់ សង្កាត់សំរោងក្រោម ខណ្ឌពោធិ៍សែនជ័យ។
ជនរងគ្រោះឈ្មោះវណ្ណទី ភេទប្រុសអាយុ២១ឆ្នាំ មានស្រុកកំណេីតនៅ ឃុំភ្នំតូច ស្រុកឧដុង ខេត្តកំពង់ស្ពឺ។
តាមប្រភពព័ត៌មានបានឲ្យដឹងថា មុនពេលកេីតហេតុគេបានឃេីញរថយន្តកូរ៉េមួយគ្រឿងធ្វេីដំណេីរតាមបណ្តោយមហាវិថីឈ្នះឈ្នះ ក្នុងទិសដៅពីត្បូងទៅជេីងខណៈមកដល់ចំណុចកេីតហេតុស្រាប់តែបត់ឆ្វេងបំណងត្រឡាប់ក្រោយវិញភ្លាមនោះស្រាប់តែជនរងគ្រោះជិះម៉ូតូហុងដាពណ៌ខ្មៅ ពាក់ស្លាកលេខកំពត1H 7714 ធ្វេីដំណេីរមកពីក្រោយមិនប្រយ័ត្នក៏ជ្រុលបុកគូទរថយន្តពេញទំហឹងបណ្តាលឲ្យបោកផ្ទប់ស្លាប់ភ្លាមៗនៅកន្លែងកេីតហេតុ ។ បន្ទាប់មករថយន្តក៏បន្តបេីកគេចខ្លួនបាត់តែម្តង។
ក្រោយកេីតហេតុសមត្ថកិច្ចចុះមកដល់ចំណុចកេីតហេតុនិងទាក់ទងទៅក្រុមគ្រួសារមកទទួលយកទៅធ្វេីបុណ្យតាមប្រពៃណីនៅស្រុកកំណេីត៕ដោយ៖សុខាសែនជ័យ
