តាមសារព័ត៌មាន The New York Times បានផ្សាយថា មន្ត្រីរដ្ឋាភិបាលក្នុងទីក្រុងគៀវ ប្រទេសអ៊ុយក្រែន បានត្រៀមលក្ខណៈ ជម្លៀសពលរដ្ឋប្រមាណ៣លាននាក់នៅក្នុងទីក្រុងនេះ ប្រសិនបើ ប្រព័ន្ធអគ្គិសនីត្រូវបានកាត់ផ្តាច់នោះ។

អ៊ុយក្រែន បានអនុម័ត ការផ្តាច់ប្រព័ន្ធអគ្គិសនី ប្តូរវេនគ្នា រួមទាំងរដ្ឋធានីគៀវ ដោយសារតែ កង្វះថាមពល។ លោក Roman Tkachuk អគ្គនាយកសន្តិសុខទីក្រុងគៀវ បានលើកឡើងថា «បណ្តាញអគ្គិសនីនៅក្នុងប្រទេស មានការកាត់ផ្តាច់ ក្នុងតំបន់មួយចំនួននៅទីក្រុងគៀវ ហើយអាចនឹងត្រូវកាត់ផ្តាច់នៅទូទាំងប្រទេស» ។
រដ្ឋាភិបាលទីក្រុងគៀវបានព្យាករណ៍ថា ស្ថានភាពអាចនឹងអាក្រក់ជាងនេះ ។ រដ្ឋាភិបាលនឹងប្រកាសមុន ១២ម៉ោងមុនពេល បណ្តាញអគ្គិសនីត្រូវកាត់ផ្តាច់ទាំងស្រុង។ ក្នុងពេលរងការកាត់ផ្តាច់យើងនឹងប្រកាសជម្លៀសពលរដ្ឋទាំងអស់ នៅក្នុងទីក្រុង ចេញទៅកាន់តំបន់មានសុវត្ថិភាព។
ក្នុងពេលរដូវរងារជិតមកដល់ រដ្ឋាភិបាលទីក្រុងគៀវ បានត្រៀមរូងក្រោមដីជាង ១០០០ ដើម្បីឲ្យពលរដ្ឋគេចពីអាកាសធាតុត្រជាក់ និងគេចពីការវាយប្រហារតាមដែនអាកាស របស់រុស្ស៊ីផងដែរ៕​ ដោយ​ :​ ធីរីណា​

រូប​ថត​ :​ hanoitv.vn