ខេត្តស្វាយរៀង: បុរសកម្មករសំណង់ម្នាក់រងរបួសធ្ងន់ធ្ងដោយសាររថយន្តមួយគ្រឿងមិនស្គាល់ម៉ាក បើកទិសដៅបញ្ច្រាស់គ្នាបុកម៉ូតូពេញទំហឹងលាន់សូដូចរន្ទះបង្កការភ្គាក់ផ្អើលដល់អ្នកភូមិទាំងក្បាលល្ងាច។

ហេតុការណ៍នេះបានកើតឡើងកាលពីវេលាម៉ោង៦និង១០នាទីល្ងាច ថ្ងៃទី ១៤ ខែវិច្ឆិកា ឆ្នាំ២០២២  លើផ្លូវជាតិលេខ ០១ Km ១៣១និង១៣២ ស្ថិតក្នុងភូមិ ស្វាយតឿ សង្កាត់ស្វាយតឿ ក្រុង ស្វាយរៀង។

យោងតាមសមត្ថកិច្ចនគរបាលក្រុងបានអោយដឹងថាបុរសរងគ្រោះមានឈ្មោះអ៊ូ សុវណ្ណារ៉ា  អាយុ ៤១ ឆ្នាំ មុខរបរ កម្មករសំណង់ រស់នៅភូមិ ជៀសឬស្សី ឃុំ កំពង់ចំឡង ស្រុក ស្វាយជ្រំ ខេត្ត ស្វាយរៀងជិះម៉ូតូម៉ាក ហុងដា សេ១២៥ ពណ៌ ខ្មៅ ពាក់ស្លាកលេខ ស្វាយរៀង ១S ១៦៦៦ខូចខាតយ៉ាងដំណំ។

តាមសាក្សីបានអោយដឹងថាមុនកើតហេតុមានបុរសម្នាក់បានជិះម៉ូតូមួយគ្រឿងម៉ាក ហុងដា សេ១២៥ ពណ៌ ខ្មៅ ពាក់ស្លាកលេខ ស្វាយរៀង ១S ១៦៦៦លើផ្លូវជាតិលេខ ១ ក្នុងទិសដៅ ពីលិចទៅកើត ខណះនោះស្រាប់តែ រថយន្ដមួយគ្រឿងមិនស្គាល់ម៉ាក ដោយធ្វើដំណើរ ពីត្បូងទៅជើង មិនគោរពសិទ្ធិអាទិភាពក៏បុកយ៉ាងពេញទំហឹងបង្កការភ្ញាក់ផ្អើលដល់អ្នកភូមិនិងអ្នកធ្វើដំណើរចោមរោមមើលនិងរាយការណ៏មកសមត្ថកិច្ចមូលដ្ឋានមកអន្តរាគមន៏ជួយសង្គ្រោះដឹកមកព្យាបាលនៅ មន្ទីរពេទ្យខេត្តស្វាយរៀង។

ចំណែករថយន្តបង្កហេតុក្រោយឃើញសភាពការណ៏មិនស្រួលក៏បានបើករត់គេចខ្លួនភ្លាមៗផងដែរ៕ ដោយ៖ សុថាន