ខេត្តបន្ទាយមានជ័យៈ អ្នកថ្មើរជើងម្នាក់ត្រូវម៉ូតូហុងដាឌ្រីមបុកពីក្រោយបណ្ដាលឱ្យបាក់ជើងឆ្វេងនៅវេលាម៉ោង៦និង១៥ នាទីល្ងាចថ្ងៃទី២៣ ខែវិច្ឆិកា ឆ្នាំ២០២២នេះនៅលើផ្លូវជាតិលេខ56Aត្រង់ចំណុចខាងត្បូង ប៉ុស្ដិ៍ស្លក្រាមប្រហែល៥០០ម៉ែត្រ ស្ថិតនៅភូមិខ្លែងពណ៌ជើង ឃុំស្លក្រាម ស្រុកស្វាយចេក ។
សមត្ថកិច្ចបានឲ្យដឹងថា៖ អ្នកដំណើរម្នាក់ ឈ្មោះ សុខ សុម៉ាលី ភេទស្រី អាយុ ៦៤ ឆ្នាំធ្វើដំណើរ ទិសដៅពីកើតទៅលិចស្រាប់តែមកដល់ចំណុចកើតហេតុក៏មានម៉ូតូ១គ្រឿងម៉ាកហុងដាឌ្រីម ពណ៌ខ្មៅ ស៊េរីឆ្នាំ២០២២ ពាក់ស្លាកលេខ បជ 1V 4519 បើកបរដោយឈ្មោះ ភឿន ភក្តី ភេទប្រុស អាយុ ២៥ ឆ្នាំ រស់នៅភូមិខ្លែងពណ៌ជើង ឃុំស្លក្រាម ស្រុកស្វាយចេក បានបុកពីក្រោយអ្នកដំណើរថ្មើរជើង បណ្តាលឱ្យឈ្មោះ សុខ សុម៉ាលី រងរបួស បាក់ជើងខាងឆ្វេង ចំណែកម៉ូតូ ខូចខាត (ស្រាល) ជនរងគ្រោះត្រូវបានក្រុមគ្រួសារដឹកយកទៅព្យាបាលនៅមន្ទីរពេទ្យមង្គលបូរី មូលហេតុ: អ្នកដំណើរឆ្លងផ្លូវខ្វះការប្រុងប្រយ័ត្ននិងម៉ូតូបើកបរក្នុងល្បឿនលឿនជាន់ប្រាំងមិនទាន់បណ្ដាលឱ្យបុកតែម្ដង។
សមត្ថកិច្ចបានឲ្យដឹងទៀតថា៖ចំណែកម៉ូតូហុងដាឌ្រីមនិងសំភារៈត្រូវបាននគរបាលជំនាញយកមករក្សាទុកនៅប៉ុស្តិ៍នគរបាលរដ្ឋបាលស្លក្រាម រង់ចាំការដោះស្រាយតាមនីតិវិធីច្បាប់នៅពេលក្រោយ៕ ដោយ៖ វណ្ណា