ភ្នំពេញ ៖ មានរថយន្តស៊េរីទំនេីបពីរគ្រឿងបានបុកគ្នានៅត្រង់ផ្លូវបំបែកជាបួនបណ្ដាលឱ្យរងការខូចខាតទាំងសងខាងយ៉ាងដំណំ កាលពីវេលាម៉ោង៨ និង២០នាទីយប់ ថ្ងៃទី២៤ ខែវិច្ឆិកា ឆ្នាំ២០២២ នៅតាមបណ្ដោយផ្លូវលេខ២៨៥ កែងនឹងផ្លូវលេខ៥២៨ ស្ថិតក្នុងសង្កាត់បឹងកក់ទី១ ខណ្ឌទួលគោក រាជធានីភ្នំពេញ ។
តាមប្រភពព័ត៌មានពីកន្លែងកេីតហេតុបានឱ្យដឹងថា មុនកេីតហេតុគេឃេីញរថយន្តម៉ាកមែរសឺដេស ពាក់ស្លាកលេខ ភ្នំពេញ2AS-6565 ធ្វើដំណើរតាមបណ្ដោយផ្លូវលេខ២៨៥ពីកើតទៅលិច លុះបើកមកដល់ផ្លូវលេខ៥២៨ ស្រាប់តែមានរថយន្តម៉ាក់Ford Titanium ពាក់ស្លាកលេខ ភ្នំពេញ2BO-6764 ធ្វើដំណើរពីត្បូងទៅជេីង ក៏បានបុកគ្នាយ៉ាងពេញទំហឹងបណ្ដាលឱ្យរថយន្តទាំងសងខាងរងការខូចខាតដូចគ្នាយ៉ាងដំណំ តែសំណាងដែរដែលមិនបង្កឱ្យមនុស្សរងរបួស ។
ក្រោយពេលកេីតហេតុ ភាគីទាំងសងខាងបាននិយាយយកត្រូវរៀងៗខ្លួន រួចក៏ស្រាប់តែពួកគេចាកចេញពីកន្លែងកេីតហេតុបាត់អស់ទៅទេីបសមត្ថកិច្ចមូលដ្ឋានសហការជាមួយជំនាញចរាចរណ៍រាជធានីភ្នំពេញ ធ្វេីការវាស់វែងយករថយន្តទាំងពីរគ្រឿងទៅរក្សាទុករង់ចាំដោះស្រាយគ្នានាពេលក្រោយ៕
ដោយ ៖ ភារ៉ា ដង្កោ
